نظرات جنوبية

البارت 16

احتاج ان اُصيبكَ بنضرةٍ دقيقه ولو لِمقدار دقيقه
احتاج ان اراكِ لمرةٍ ثانيه ولو لِمقدار ثانيه
احتاج ان اراك بالعين المجردةُ من الحُلم
احتاج ان ادنوَ منكَ قدر الادمان ..!!

زهرة:أنتم شتردون مني! والله ممسويتلكم شيء شتردون؟

جاوبني: مامسويه شيء عيني بس أحنه نخطف بالبنات حتئ ناخذ فلوووس ..
واذا ماينطونه فلوس نضطر نذبحهن وناخذ أعضائهن للبيع
وبالحالتين نستفاد ...

زهرة:أنصدمت! ...أتقرب منـي وفتح الحبل اللي علئ أيديه وعلئ رجليه ..وكال كومي يلا

زهرة: وين ماخذيني؟ راح تقتلوني موو!

كال: لاا بس نشوف أهلج شكد ينطون بيج فلوس واذا ماانطوا نقتلج!!

في نفس الوقت بـ بيت عائلة زهرة ..
الساعة 7:00

الكل كاعد ويفكر محد نام من البارحة ..
تحظروا عمام زهرة وابوها وجسار وابوه
وحضروا مبلغ الفلوس و بلغوا الشرطة علمكان اللي راح يلتقون بيه ..

اتحظروا وراحوا للمكان اللي كالولهم عليه ..
وصلوا هناك المكان شبه صحراء وجان بأطراف بغداد ..
مكان مابيه اي بشر ..
ضلوا كاعدين بالسيارة ..
لحظات واجت سيارتين بأتجاههم ..

نزلوا منهن 6 ملثمين وسلاحهم بيدهم ..وبيهم اللي شايل سجينة وسلاح ..

نزل جسار والكل صاح عليه بس هو كأن ماسمعهم ..
أتقدم بأتجاههم بكل هدوء بس بداخله جانت عاصفة تريد تنفجر عليهم ..

جسار: البنية وين؟

الخاطف: تنطونا فلوس نسلمكم بتكم ماتنطون انسوها اعتبروها ماتت ..

صرخ جسار وهو قابض ايده بكل عصبية ..
مايريد يسوي شيء لأن راح يأذي زهرة أذا أتهجم لواحد منهم

جسار: كتلللللك زهررررة وييين؟ أحجيييي!

الخاطف: جيبوها ..

راحوا أثنين للسيارة طلعوا زهرة ولازميها اثنينهم من اديها ..

زهرة:

من بعد مافتح أيديه طلعني من الغرفة وصعدوني للسيارة وشدوا عيوني! كعدوا يمي أثنين وطول الطريق ساكتين وهدوء ..كل شوي يخوفون بيه ويسحبون أقسام المسدس!

سمعت صوت نزلوا من السيارة وشوية وأسمع جسار يصيح ..
بقيت ابجي و اريد اشلع الغطا من عيوني ماكدر ..
وره ثواني اجو اثنين جروني من ايديه ويمشون بيه واني ماشوف ..

جسار: افتحوا عيونها!!

زهرة: فتحوا عيوني واول ماشفت!
شفت جسار واكف بعيد عني ..
ركضت عليه بس لزموني ..
اللي لزمني جانت بيده سجينة ...من جرني جرحني بجتفي
والدم بقئ يجري من أيدي ..
فتحوا ايديه و كالوا اكعدي ..

كعدت بالكاع وهم داير مدايري أربعة وموجهين السلاح عليه!
وجسار وعمامي وابويه كلهم واكفين يحجون وياهم ..
بلحظة حسيت راح أخسر حياتي!
صرت حتئ النفس أكول عليه هذا أخر نفس اليه بعد ماعيش راح يقتلوني بدون سبب!!

سمعت صوت جسار وهو يصرخ بكل قوته ..
لحضات واجت الشرطة من كل مكان ..
اللي خطفوني هددوهم اذا يتقربون اكثر يقتلوني ..
بس الشرطة صارت أذكئ منهم وحاوطوهم ..
سلموا سلاحهم واعتقلوهم ..
رحت اركض ماعرف احضن منو ابويه لو عمامي!
ركضت لبابا حضنته وهو يبجي واني ابجي ..
التفت لعمامي كلهم يأشرولي ..حضنتهم واحد واحد وهم يبوسون براسي ..
شفت جسار واكف بعيد أشرلي وفتح ايده ..
باوعت لأبويه ولعمامي كالوا
روحي يابه هو الخلصج منهم ..

رحت امشي بكل هدوء وصلت يمه وهو بعده فاتح أيديه
حضنته وبجيت ..شاورني وهو يتنهد ..

جسار: ايي ولج مرمرتي كلبي ..ولج شسويتي بيه!

حضني بكل قوته حسيت اعضامي راح تطك ومنا اني جسمي كله مكسر من الحبل ..أبتعدت وباوعتله

وجهه تعبان وملامح وجهه ذابلة، عيونه بيها ألف كلام ..
باوعلي وأبتسم ..

جسار: الحمدلله علئ سلامتج ..

زهرة: الله يسلمك ..

تركته ورحت يم بابا ..
عمامي ملتهين وي الشرطة ..

جسار كال لبابا نعوفهم ونرجع امها تشوفها وخواتها ..
بابا كال يلا ..

صعدنا بلسيارة جسار يسوق وبابا بصفه واني ورا جسار كاعدة ..

كل شوي يباوعلي وبعيونه عتب وكلام ماكدرت افسره ..

رجعنا للبيت واول ماطبيت حضنتني ماما وبجت ..
وبيبي وعماتي وكل اقاربنه جانت موجودة ..
ذبحو ذبيحة لسلامتي ..و سووا عزيمة وعزموا الأهل والأقارب ..

بوسط كل هاي الناس كاعدة وبالي بعيد ..
الخوف بعده بداخلي ..وشعوري ماينوصف ..
حتئ الأبتسامة صارت بلكوة أبتسم ..

جنت كاعدة و اجت ماما اخذتني كالت تعاي وياي
رحت دخلنا للغرفه وكالت شسوولج؟

زهرة: شنوو!

ام زهرة: أعتدوا عليج؟ تحرشوا بيج؟ كولي!

زهرة:لا ماما بس واحد ضربني راشدي ..

ام زهرة: كسر بأيده انشاءالله ..كومي غيري ملابسج وارتاحي شوفي وجهج شلون ذبلان ..الله ليوفقهم
......يتببببببع

شنو رأيكم+لاتنسون التصويت 💜

فـي أمـان الله وحفضـهِ 🍁