من شفتك تغير مَوعد النوم
بديت أسهَر
وَ أَحن
وَ أشتاگ
وَ أبرَد
وَ أَغار
وَ ترجِف أيدي
وَ أَبچي
وَ احتار
وَ أشوفَك
وَ أرتبك
وَ أبنيك
وَ أنهد ..💔🔥!!
زهرة:
دخلت للصف وكعدت واني ايدي علئ خدي وعيوني مدمعة
ونبضات كلبي هادئة بس احسها توجعني...
مر درسين وبالفرصة طلعت بالساحة امشي بس راسي يوجعني مااهتميت لأن كل مرة يصير عندي هبوط بالضغط
بس فجأة وكعت وماحسيت علئ شي بعد
كعدت علئ قطرات مي علئ وجهي
باوعت للمكان بغرفة المرشدة التربوية
وصديقاتي نورهان و زمرد يمي
زهرة: نورهان شبيه اني؟ وليش بغرفة المرشدة
نورهان: ولج بلفرصة جنتي تمشين بلساحة واني و زمرد جنه نمشي نريد نجي الج ومانحس الا وكعتي و صحنا للمرشدة
وهسه راحت خطية تجيب جهاز الضغط
زمرد: خوفتينا عليج الحمدلله مابيج شي
زهرة: حبيبتي لتخافين..
دخلت المرشدة و بيدها جهاز الضغط ..
المرشدة مالتنا كلش حبابة وحنونة نحسها امنا الثانية
المرشدة: هاا ماما شلون صرتي انشاءالله احسن؟
زهرة: اي ست احسن بس راسي شويه يوجعني
المرشدة: يا ماما شايفة وجهج شلون اصفر ومابي قطرة دم
انتوا ماتعتنون بنفسكم وبصحتكم ..ليش هيج يا أمي؟
تعالي خل اشوف ضغطج
زهرة:
قاست ضغطي وطلع عندي هبوط ..
اخذت مني رقم بابا وخابرته حتئ يجي ياخذني
نص ساعة واجه بابا وهو قلق عليه
ابو زهرة: هاا حبيبتي زهرة شبيج؟! شبيج بنتي مريضة!!
زهرة: لا بابا بس عندي هبوط و المرشدة شافت ضغطي
ابو زهرة: اشكرج ست تعبناج ويايه وشكراً علئ حرصج
المرشدة: ولو هذا واجبي واني مثل امهم ..
بس يا ابو زهرة ديروبالكم عليها مداتشوفون شلون ذبلانة
خلي اكلها يصير صحي لأن اذا تبقئ هيج حتئ ماراح تنتبه لدروسها ..
ابو زهرة: انشاءالله ..بس اكدر اخذها هسه?
المرشدة: اي تكدر لأن فهمت المديرة علئ وضعها وماقصرت كالت خل تطلع
ابو زهرة: اشكرج ..
زهرة:
اخذني بابا وطلعنا للبيت
رجعت اخذت حبوب وجع راس و ماحجيت وي اي شخص
شكد ماما رادت اكل بس مالي نفس بكلشي
رحت لغرفتي صليت ونمت
كعدت بـ3 علئ صوت ماما وهي كاعدة يمي
ومبتسمة تباوع بعيوني ..
زهرة: هاا ماما شبيج?!
أنت تقرأ
نظرات جنوبية
Romanceعندما يجتمع الهدوء البغدادي مع عاصفـةً من الاضطرابات الجنوبيه ... عندما يجتمع القلب النقي ..مع القلب المتهور عندما يجتمع الماء والنار ...تنطفئ النار بسبب الماء لكن!! تبقئ اثآر الحطب المحروق ويبقئ ذلك السواد في قلب تلك الفتاة ... عندما تلتقي الزهرة م...
