نظرات جنوبية

البارت 17

الئ عيناكَ الصغيرتـان
الئ قلبُـكَ المليئ بالحـب ..
الئ يداك وحضنكَ ..
إليـكَ ..
أحببتُـكَ ولازلـت!
وفـي نسيانـِكَ فَشلـت ..
وكبريائُـكَ عشقت ..
بحضنكَ الدفئ والإطمئنان ..
الحنـان، العاطفة، المشاعر ..
كل شيء ..
بعينـاكَ السكـون والهدوء ..
نظراتـكَ جنوبيـة جداً ..
أسمراً أنتَ لكنـكَ كالسكـر فـي قلبـي ..
لازلتُ ولازلتُ أحُبـكَ ..
قلبـي لـم ولـن ينسـاكَ ..
هـل تسألني أحبـكَ أم لا ؟؟
لمـاذا تسـأل!
فـأنا فـي حُبـكَ وقعـتُ ولـن أقـوم مهما فعلـت ..
سكـينٌ فـي قلبـي أنت ..كالنبضِ تمامـاً ♥️!!

بقلمـي: zahraa_alabadei

ام زهرة: أعتدوا عليج؟ تحرشوا بيج؟ كولي!

زهرة:لا ماما بس واحد ضربني راشدي ..

ام زهرة: كسر بأيده انشاءالله ..كومي غيري ملابسج وارتاحي شوفي وجهج شلون ذبلان ..الله ليوفقهم

طلعت ماما ورحت للمراية ..صفنت بوجهي عبالك مطلعيني من كبر! قطرة دم ماكو بوجهي و وجهي اصفر حيل ..

كاعد أطلع ملابس من الكنتور و وجعتني أيدي ..
أيدي مجروحة بس اني نسيتها!
باوعت علئ قميصي مليان دم ..
والجرح صاير بجتفي ..

بدلت ملابسي ولبست تراك وخليت الشال علئ راسي وطلعت
كلت لماما علئ ايدي وتخبلت!

ام زهرة: ليش ماكلتي؟ شوفي ايدج شلون صايرة ..!

زهرة: عقمت مكان الجرح وخلت عليها لاصق للجروح وكالت لتشيليها لحد ما يتوقف النزيف ...

شوية وصاحوا عليه كالوا يريدونج بالأستقبال ..
نزلت وأشوفهم كلهم ملتمين وكاعدين ..

أشرلي عمي اكعد يمه ..
رحت كعدت بنص هو من جهة وابو جسار من جهة ..
وبدوا يحققون ويايه ..

عم زهرة: بنيتي احجيلي بالتفصيل شصار وياج؟ وشلون خطفوج وليش!

زهرة: بديت أحجيلهم من لزموني وجروني للسيارة ومن سمعتهم يحجون علفلوس ومن كالولي احنه نقتلج لو نبيع اعضائج اذا ماينطونه فلوس ..

جسار: سوولج شيء! ضربوج؟ ..

زهرة: ايي واحد منهم من صيحت بصوت عالي اجه ضربني راشدي!

بس كلت هيج صاح جسار وهو عيونه كلها غضب ..

جسار: شلوون شلووون؟؟!!
وبعد؟؟ احجي ..

زهرة: ومن نزلوني بلسيارة من ركضت بأتجاهكم واحد جان لازم سجينة بيده .. بس ركضت لزمني من ايدي وانجرحت بلسجينة! ..

جسار: وين ايدج؟ بيا أيد انجرحتي؟!

زهرة: استحيت اجاوب لأن الضربه بجتفي ..
ماما كالتلهم بجتفها داويتها الها ..

اخذ نفس جسار وفرك وجهه بعصبية ..

رجع حجه عمي ..

: انتي تعرفيهم ..؟يعني شايفتهم قبل؟!