نظرات جنوبية

البارت 17

ليش ما گتلي من الاول
انه مو صاحب طويلة لا تحبني
ليش خايب عودتني !

زهرة: اريد اسمع صوتك ولأخر مرة ..

جسار💬: ماشي،  راح اتصل

زهرة: اتصل عليه وجاوبته ..
كال شلونج واني دموعي نزلت

كتله ..زينة

جسار: بس مااحس زينة؟
ليش تسوين هيج بعمرج منو يستاهل

زهرة: تكول منو يستاهل؟ كله بسببك وتكول منو يستاهل

جسار: اخخخ اعرف والله اعرف
بس تعبتتت والله تعبتتت

زهرة: من شنو تعبت
اني مامتعبتك ولاا بيوم سببتلك تعب لو ضوجتك
انته سويت كل هذا بيه
انته كسرت كلبي وخنتني وتحجي كلام يجرحني واضل ساااكتة وصااابرة وضااامة بكلبي كل ضيمي منك ..

ليش سويت كل هذا بيه؟
اريد اسألك وجاوبني بصراحة

جسار: اسألي ..

زهرة: هم جرحتك بيوم بكلامي؟

جسار: لااا

زهرة: كسرت كلبك؟

جسار: لاا

زهرة: خنتك؟ وخليتك تعيش اسوء ايام بحياتك
هم جربت تنتحر اكثر من مرة علمودي؟
احجييي

جسار: كلهن لاا

زهرة: لعد ليش؟ بس فهمني شنو ذنبي
ليش كل هذا يصير بيه
سنتين نوم ماشايفة بعيني بسببك وبسبب حبك جسار

جسار: زهرة حبي يتعبج واكثر من مرة اكلج انسيني
مايفيد الحجي وياج وادري ماتقتنعين
بس هذا اني وهذا كلبي شسويله ..

زهرة: كلبك؟ كلبك اللي خدعني بحبه
كلبك اللي طلع يحب قبلي وضام عليه
ترررئ تعبت بعد ماااكدر اتحمل ..

جسار: يعني انا كم مرة اكلج كلبي يحب غيرج انسيني يزهرة انسي ..انسي الحب اللي بيناتنا وخلينا اصدقاء

زهرة: اني مااريد اصير صديقتك ولا اريد نصير اصدقاء واتطمن راح اطلع من حياتك ..

جسار: عليج الله شحبيتي بيه
شو صاير شايب انا قبل جنت حلو

زهرة: غلطت ..وغلطة عمري انته

جسار: انعم الله عليج هههههه

زهرة: احر مااعندي ابرد مااعندك

جسار: ليش؟

زهرة: لأن ماامهتم وتضحك وكأنو ماكو شي

جسار: لااا ..بالعكس انتي ماكلة كلبي والله

زهرة: يعني اني الح؟

جسار: لاا بس انقهر بس عليج

زهرة: تنقهر لان دتشوفني اتعذب وحياتي تدمر بسببك ..

جسار: خايبة هاي الـ دا مالتجن البغداديات الف واحد يتمناهاا ..اجيتي عليه انا زلمة بصراوي اريد مرتي كون تكعدني بـ شنهي و چاا و موش ..
مو انتن كله داا و هنايه وماعرف شني