نظرات جنوبية

البارت 27

عُطرك بده يختفي مِـن يـاخه هدومـك
وشلـون بيّه بعَـد؟
لا عطـر منك بُقـه ولا جيّـه رسُومـك
صَـح آنـه مشتاگـة الك بَس والله مالومَك
والمـُوت لـو ينشكف چـا شكَفت عنَـك..
تريـّد الصدك؟
مشتاگـه اشُوفـك..
وياريّت هَسه تجي
ونكَعد سوه وتبتسم
وياريّت ذاك الحِلم
يطلع صدك مُـو حلم..
شايـف جـدار وعِتـگ؟
هيج آنـه جـاي انثلِم
و بدونك تغيّرت مـو نفسـي ذيج القبل
العُيـون هـاي أنعمَت
لا والتِحـز بالگلـب
گالـو فراگـك سَهـل ..😅💔!!

زهرة:

ضربني راشدي وبقئ يصيح ويغلط

ابو محمود: لجج انتي متستحين ..رايحة لغير محافظة حتئ تشوفيييين حبيبج ..
اني مو كلتلكم ماتروح ..
لو لااااااا
ما خجلتي شوية وكلتي شعندي رايحة لناس ماعرفهم
سمعوني كلكم ..من هاللحظة زهرة منهي أعليها من محمود و حدها للمدرسة وبس ..

زهرة: حجه كلماته وطلع واني مصدومة
عمي الثاني ابو علي وولد عمي يباوعولي
وماما وبيبي ومرت عمي ..
بابا ماموجود بالدوام
واني اباوعلهم وعيوني تصب دموع ..

عفتهم وصعدت لغرفتي ابجي ..
وايدي علئ خدي اشوف المكان الضربني بيه
اول مرة واحد يضربني
اني ابويه ميضربني!! شلون عمي يضربني
انقهرت حيل وحبست نفسي بغرفتي ..

العصر اجه بابا من الدوام وسامع بالصار وماما كايلتله بأي حق يضربها؟ وهي ممسويه شي ..مجرد راحت وي بيبيتها وعمها تتونس!!

نايمة ودخل بابا كعد ع اطراف السرير
كعدني ..كعدت وانتجيت ع تاج السرير ولميت رجليه ..
باسني وكعد يمي ..

ابو زهرة: اسمعيني بابا
اني عرفت شنو صار وماراضي بكل هذا ..
اني كلام عمج ابو محمود ابداً مايعجبني
لأن بناتي ماازوجهم وهمه صغار
واكبر غلط الانسان يزوج بنته وهي بعمر صغير
يابنتي يازهرة اريدج تفهمين اني مو ويه كلام عمج
صح اخوي الجبير واحترمه ..بس مو بكلشي لازم اكوله تم
اني عندي دراستج اهم شي
تخلصين دراستج وتتخرجين وتصيرين دكتورة وترفعين راسي كدام الكل ..هاي الأتمناها
و يا بابا اني لا هسه ولا بعدين راح اقبل انطيج لمحمود
اطمئني وارتاحي ..

زهرة:

ضليت ساكتة ماعرف شحجي!!
ابتسمت والدموع اجتمعت بعيني ..
وكلتله ..

زهرة: يعني بابا ماراح توافق علئ كلام عمو؟

ابو زهرة: لابنيتي ..اهم شي سعادتج عندي بابا

زهرة: ابتسمت وحضنته ..
ابتسم وطلع ..

الحمدلله بابا واكف ويايه ..
ماجنت متوقعة بابا يرفض لأن خفت يغصبوني تحت مسمئ البنت لأبن عمها وانضلم!!
بس اتفاجئت بكلام بابا واطمئنيت ..

بسرعة رحت خابرت جسار
و بس رمشت هو دك ..

جسار: هاا زهرتي ..شلونج؟