نظرات جنوبية

البارت 16

يومية تكسر خاطري وتكسرني
ويومية تخسر نفسَك وتخسرني
لو تدري بيه شگد حَچي ماينگال
يوگف بشفتي واسكت ويعبرني
هالمرة احسَك ع البعد تجبُرني ..!!

زهرة💬: اكرهك

جسار💬: ياالله

زهرة💬: ليش فرحان؟!

جسار💬: شوفي حياتج والله
لاتبنين لشيء نهايته مسدود

زهرة💬: راح احضرك

جسار💬: بكيفج

زهرة💬: لأن مستحيل من بعد الحب صداقة مثل متكول ..

جسار💬: كلشي بيناتنه مستحيل

زهرة💬: مستغربة منك ..قبل جنت تكول شنو هالعادات ومادري شيفكرون من جنت احجيلك علئ عمي ابو محمود وابنه
وهسه اتغيرت!!

جسار💬: لأن وصلت لطريق مسدود ومستحيل

زهرة💬: مستحيل؟
ليش حتئ يصير مستحيل جسار؟!!
ماكو شي مستحيل بس الشخص اللي يريد يبتعد خلي يكون شجاع ويكول بدون مستحيلات ولاشي
الصراحة حلوة ترئ

جسار💬: انا نسيت وعفت كلشي يخص الحب الله وكيلج ..

زهرة💬: اني هم عفت بس جروحي منك صارن كلش هوااي ، لدرجة صرت اكره روحي واليوم الحبيتك بيه

جسار💬: بعد هاي الدنيا، شوفي حياتج والله الف واحد يتمناج ..

زهرة💬: تكدر ترجعلي دموعي والسنين اللي راحت بدون فايدة؟
ليش تكول الف واحد يتمناني واني طول هالسنين اخجل اخلي عيني بعين شخص لأن اعتبرها خيانة!!

جسار💬: ماا ادرررري
انسي كافي

زهرة💬: مليت كل مرة احجيلك تكلي انسي
شنسئ؟
مو حب مراهقة حتئ اكدر انساه
ولا حب اسبوع او كم شهر
هايه سنين راحت من عمري؟!!

جسار💬: احضريني وراح تنسين شوفي
مثل ما انا جاي انسئ شوية شوية

زهرة💬: حضرتك كم مرة
وارجع لنفس معاناتي كل يوم واضعف وادزلك
اني ماكاعد افهم قصتي وياك شنو؟

جسار💬: قصة مالها حل غير النسيان

زهرة💬: لو ادري هيج يصير جان ماتقربت ولاحبيتك
اتمنئ عندي كلب مثل كلبك، ينسئ بسرعة ولايشتاق ولايحن ويتجاهل ..
ولك وكفت بوجه الكل وحبيتك ليش؟
ماعرف شلون تنام وانت كاسر كلب شخص ماعرف
بس هنيالك علئ برودك ..

جسار💬: مو كتلج حضريني وانتي راح تنسين

زهرة💬: مو من طبيعتي احضر شخص
بس بعد ماراح تشوف مني رسالة من اليوم

جسار💬: الله يوفقج بحياتج بحق الحسين

زهرة💬: شكرا ، باي ..

جانت الساعة 12 ونص بالليل ..واني روحي احسها تايهة ..
كلبي يوجعني حيل وحتئ دكاته تأذيني
جنت محتاجة احد افضفضله واحجيله البكلبي
وبوقتها ماجانت كاعدة غير نورهان ..