نظرات جنوبية

البارت 2

كانت عيناكَ لاتمل رؤيتـي
كانت كل أمالكَ ان نلتقـي
فـ ذهبت ُ بعيداً وكأنكَ لـم تكن يوماً
الرجل الذي يغفئ علئ نبرة صوتـي!!
رحلتُ انتَ وبقيت ذكرياتكَ تخنقنـي
وعلئ عطر قميصكَ جعلتني ..
لم اكن اعرف ان عيناكَ تخون
وقلبكَ يعشقُ شخصاً غيري ..
لماذا؟
(كان فـي عينـاكَ شيئـاً لايخـون لا أدري كيـف خـان!!)

الكاتبـة ..
بعد مرور شهر ..
جسار رجعت علاقته وي نسرين ..لان جان يحبها وهو صغير ..وفترة حبهم جانت 5 سنوات
مافكر بزهرتهُ ولا شنو ممكن يصيرلها
هو بس اتخذ قراره بعاطفته وترك زهرته ورجع لحبيبته القديمة الي جانت تجمعهم ذكريات الكلية والطفولة
لذلك جسار رجع لحبيبته بدون ان زهرة تعرف
بس زهرة احساسها مسيطر عليها ..
ودائما من تحس بشيء يصير ..

خلونا نتابع اني وانتم الاحداث وشنو راح يصير ؟!!..

بغــداد ..

زهرة: من بعد كلامه الي وصدمته ..
عشت بحالة صدمة شهر كامل ..
بس مافكرت اكرهه رغم كلامه الجارح
صرت ساكتة طول الوقت ..بس من اتذكر كلماته نار تصير بكلبي لان ولا يوم اتكبرت عليه وهو يكول اتكبرتي وشفتي روحج ..

اجت فترة امتحانات نصف السنة ..
امتحنت بس مالي واهس لكلشي ..وجنت متأكدة راح اطلع بدرس او درسين لان عقلي مو يم الدراسة جان
ونفسيتي تعبت ..

خلصت الامتحانات وارتاحيت منها
بس بقه بالي مشغول ..وفكرة نورهان ابالي
قررت اسوي حساب انستغرام
وسويت حساب وهمي تابعته منه ..

جان حسابه عبارة عن صوره وصور اصدقائه ..
وماينشر اغاني لو شي ..

والستوري ..مو دائما ينشر
بس هوااايه بنات متابعينه ..واني ابقئ اشوف وينكسر كلبي اكثر واكثر ..

ماعرف ..هو ممكن غيرة تخليني ابجي؟!

مرة من المرات خلال مراقبتي لحسابه
لكيته ناشر صورته ..
بالرغم هي ستوري مو عام حتئ اشوف التعليقات

بس بجيت حيل من شفتها ..
واحس نار الغيرة راح تاكلني ..

بوقتها ضعفت ..
ودزيتله ..مشتاقتلك

ماجنت اعرف اذا هذا التصرف السويته غلط او صح
وشنو ممكن يجاوبني وهو ميعرف اني منو؟

ماجاوبني ..وثاني يوم لكيته مجاوب

جسار💬: تشتاقلك العافية
بس للأسف ماعرفت منو حضرتك؟

زهرة💬: اني زهرة

جسار💬: هلا زهرة
شلونج

زهرة💬: زينة

جسار💬: اهلج شلونهم

زهرة💬: الحمدلله

جسار💬: الف الحمدلله
شخبارج ..

زهرة💬: زينة ..