نظرات جنوبية

البارت 6

كيف للأنسان ان ينسئ شخصاً كان يعتبرهُ
في يوماً ما ..ملجئٌ وحياةٌ وامان ..
كيف ان ينسئ كل الذكريات
بدون ان يتعثر بذكرةٌ من الماضي
انا لا اتعثر ..لانني اسقط بالذكريات واتشبع بها الئ ان انتهي ..لأنها لاتنتهي ولاترحل
حتئ وان قمنا بحذف كل شيء
الرسائل
والصور
والصوت ..
تبقئ في قلوبنا مهما حاولنا ان نتجاوزها
كانت ذكرياتك تخنقني
ولليوم ..انا سجينة ذكرياتكَ
الذكريات التي لم اذكرها وانا ابتسم
اتذكرها وانا تحترق روحي ..
سوف انسئ ..لكن ليس الآن
سأنسئ بعد عامين وجيل ..

بقلمـي ..ZAHRAA_alabadei

زهرة: من بعد ماحضرت جسار احس ارتاحيت من حجيت الي بداخلي بس الي غثني جانت ردوده

بعد مرور اسبوع ..

جانت بوقتها فترة زيارة الأربعينية للآمام الحسين (ع)
وجنت اعرف جسار بكل سنة يطلع من البصرة لكربلاء مشاية هو واصدقائه ..لان موكب كامل
ويبقون اكثر من 20 يوم ..

اشتاقيت اروح لكربلاء بس اهلي ميقبلون نروح مشاية احنه النسوان ..
بسبب الهوسة الي تصير ..

رحنا قبل الزيارة بـ 4 ايام
ورحت ويه بيت عمي وبيبيتي لأن ماما كالت اروح بعدين
ورحت بس اني وياهم ..

لبست بنطرون اسود وقميص طويل اسود وشال
وعباية لان مااحب امشي بمكان مقدس من دون عباية

طول الطريق ابن عمي مشغل لطميات لباسم الكربلائي
احب قصائده كلش ..

بقيت صافنة بالطريق و دموعي اجتمعت بعيني
جنت اريد اروح اشكي للامام عن شخص جان طالبني منه ..
جنت اريد ابجي واطلع كل الي بكلبي ..

من بعد ماوصلنا المغرب
دخلنا لتفتيش النساء اني ومرت عمي وبنت عمي
وهم راحوا لتفتيش الرجال ..

طلعنا من التفتيش وبقينا نمشي بالممرات الي تصير بين الأمامين (ع) ..

شعوري جان ماينوصف ..لأن فترة ماجاية لكربلاء
دخلنا نزور الامام الحسين (ع)

كعدت بالزاوية حتئ تزور مرت عمي هي وبنتها واني بعدين ..
اني اختاريت هيج لان ماريدهن يشوفن دموعي وأنكساري ..

كملن زيارة ورحت اني ازور ..

جان حيل هوسة وصوت بجي
بس حاولت ودخلت من بين النسوان وصرت قريبة كلش للشباك ..
اول ما ايدي لمست شباك الامام بجيت
احس شكو صرخة بكلبي طلعتها ..
دموعي مااحس بيها منين تنزل من ياعين
خليت راسي ع الشباك وبجيت بضعف وانكسار
حجيت كلشي بكلبي ..
وي كل حجاية احس روحي ترتاح ..

انتبهت للعلك الي لابسته بأيدي مالت جسار ..
نزعته وشديته بالأمام ..
ماريده بعد
الي جان يكلي اجيتي علئ بالي واني ازور واتمنيتج طلع جذاب ..

شديت العلك بالشباك وطلعت من بين الهوسة
رجعت كعدت بمكاني ..

صليت وكملت بس احس شيئ بداخلي ارتاح
واني اتنفس العطر الموجود ..
بس شهكتي ماراحت وفاضحتني ..