نظرات جنوبية

البارت 13

يا بَريد يجيبليّ عيُونك
رسِايل غافيه بنص الظرُف
وأنتَ تدريّ ..
مِن اقره عينك انشتل بـ أول حرُف
بيا مرايه مِن الحزِن يلِتم شبابيّ
بيا چُفوف مِن الفرح يتغنّه بابي
بيا ظفيره اتلمّس إسمك بـ الرسَايل
بيا سِما اندلك واجيّك؟
وارسم عيُوني اعله گد خُصرك حمام
ويا بِريد يودّي شُوگي
اليمشِي حافي بسچّه جام
لا تِجي بطيفي وصفُنتي
ولا يصَح طارش يودّيلك سلام
كون اصدّكَ ما تجينيّ
حتى الم چفوف اديّه
البُقت تِدعي بكُل إمام ..💔

زهرة:

ثانـي يـوم ..

جان يوم سبت وعطلة ..
كعدت متأخرة الساعة اربعة العصر ..

كعدت مالي خلك و كارهة نفسي لأن صدكت بيه من كال اجي ، صليت صلاة الظهر والعصر وكمت نضفت البيت ..

انوب اذن المغرب وكمت صليت وحضرت واجباتي بس حتئ ماعندي اي تركيز
صاحوني عالعشا كلتلهم ماريد
مااكدرت اكل لأن معدتي تحرك بيه من القهر

لليل ..حضرت ملابس المدرسة
و حضرت دروسي ..
واتمددت بفراشي ولازمة تلفوني اتصفح بالبرامج

اجتني رسالة من جسار

جسار💬: شلونج

زهرة💬: موزينة

جسار💬: ليش؟ شبيج

زهرة💬: مو كلت راح اجي الجمعة
واليوم سبت؟!

جسار💬: والله صارت عندي شغلة ..
الدكتور طلب مني بحث التخرج وماكدرت اجي
انا هم ردت اجي عالاساس البارحة بس الخميس طلعتلي هالشغلة وخربت واهسي ..

زهرة💬: يعني ماراح تجي!!

جسار💬: ههههههه لا اجي ..
بس ليش ترديني اجي؟

زهرة💬: لا غلطان ميهمني اصلا تجي لو ماتجي

جسار💬: ههههههه مبين

زهرة💬: بكيفك لتصدك

جسار💬: شلونها الأجواء ببغداد

زهرة💬: باردة وضباب الصبح ..

جسار💬: يعني مااجي؟

زهرة💬: اصلا اجواء تخبل

جسار💬: ههههههه
لاوالله عدا الشقة ..اذا مو حلوة مااجي

زهرة💬: هيه بغداد بكولشي حلوة
بكل الفصول ...

جسار💬: هههههههههه  تريد تقنعني

زهرة💬:لاا شعليه اني

جسار💬: هههههه امبينه

زهرة💬: ههههههههه

جسار💬: باجر اذا صارت القسمة واجيت للزيارة واجي مناك

زهرة💬:وين تروح ..كربلاء لو نجف؟!

جسار💬: اثنينهن
اذا صارت ع هالاسبوع اجي انشاءالله

زهرة💬: ليش اذا صارت؟!