نظرات جنوبية

البارت الثالث

مامتعود اگضي ايامي من دونك
خل يطفالي ڪلـشي ولا ضوة عيونك
يريت الناس ڪلها تعوفني بحالي
وبس انت وحلاتك ترهم گبالي
ماسمّيها عين الماتجي بلونك
خل يطفالي ڪلـشي ولا ضوة عيونك
يالطاريك وي ڪل سالفة أحچيها
فدوة تروحلك ڪل دمعة باچيها
وحگك مايريدن يغفن جروحي
مَر عطرك ببالي وفرفحت روحي
يالمعودها تغفى جفوني بجفونك
خل يطفالي ڪلـشي ولا ضوة عيونك
لو بيّه مجال انساك جان نسيت
وجان اكدر اصبّر گلبي لو حنيّت
بس اعرفها بعدك ماتحب عيـني
يالچانت سنينك تشبه سنيني
ليش تروح يم الراح ينسونك
خل يطفالي ڪلـشي ولا ضوة عيونك
-زيد الهاجري

زهرة: جساار ..انتَ وجـع گلبـي اللي ماراح يطيب ابد.

وكفت واريد اروح .. وهو وكف بسرعة و لزم ايدي اليسرئ خلاها علـئ گلبـه

سمعت دگات گلبـه مامتوازنـة، مرة تصير هادئة و مرة تصير سريعة، حتئ دگات گلبك متناقضة يـا وجع گلبي ..

ضـل مخلي ايدي علئ گلبـه
اتنهـد و گال:

جسار: زهـرة گلبـي متعوب كفيلج العباس ، ومايمرني يـوم حلو واتونس بيه ، كل ايامي قهر بقهر
ماشفت شي حلـو من دنياي
لا عبالج انا مرتاح و مترهي بهاي الدنيا الخايسة
لا والله مامرتاح بعد بيمن تردين احلفلج؟
انا گلبي تاب من الحب وصار العشگ مو من ثوبي.
ردتج اي ردتج قبل، لأن دخلتي گلبي وردت انسئ بيج وتعوضيني عن كل الأيام السودة العشتها
بس شسوي و انا جان گلبي متعلق بذيج!
ماردت اضلمج وياي اكثر ولا ردت ابني احلام هواي ومن تالي اجي اهدمهن بلحظة و اصغر بعينج.

سامحينـي ...

وخرت ايدي من گلبـه و ركضت صعدت فوك واني بالگوه اوكف ..رجليـه مااحس بيهن وعظامي ترجف رجف، حلگي يبس و عقلي مكاعد يستوعب كلامه.

يريدني اسامحه؟ علـئ يا جرح اسامح؟
علئ يا دمعة وعلئ يا ذنب؟
اذا اسامحه يرجعني طفلة عمرها 15 وحبته؟
يرجعلي عمري الضيعته هدر بعشگه؟
يرجعلي ضحكتي وايامي و شعري الگصيته؟
يرجعلي صحتي؟ ودراستي؟

فقدت وضليت اصرخ  بالمخدة وابچي بحركة:
علئ شنو اسااامحححك علئ شنووو
ولك ضييعععت احلئ ايييااام عمري
ضيعت طفولتييي بحبك
اااخخخخخ ياوجعع گلبييي
يا بيبي وينج تعالي شوفي شسووا بيه
تعالي شوفي حالي ليش عفتينييي
ليششش ..

غفيت من التعب واني مادري بروحي،
الصبح تقريبا بـ 11. فزيت علئ صوت ام جسار وهي تحجي وي امي
تگوللها جسار طول الليل مانام وبس يكح بسبب صدره
وماما تگوللها كله بسبب الجگاير ، عفتهن يحجن ورجعت نمت بس صوتهن واصل لغرفتي.

رجعت نمت
كعدت العصر بـ 4
راسي يأذيني حييل و عيوني مورمة من البچي وصايرة تخوف، كعدت رحت غسلت وجهي واسناني و صليت الظهر والعصر ..
ماما ماجانت فوك ولا خواتي بس اخويه محمد نايم، الكل جوه كاعدات وبيبي هم ومرت عمي وام جسار ، مسويات جاي وكعك وكاعدات برا بالطرمة (الحوش).