نظرات جنوبية

البارت 1 (الجزء الثانـي)

عادت إليكم من جديد
تلكَ الزهـرةُ الذابلـة
بملامحِهـا البغدادية، ومشاعرها الحقيقية
عادت ..لكـن بروحٌ مختلفـة ..
بمشاعـرٌ بـاردة
و قلبٌ ميت
وأحساس منعدم ..
تلكَ الهادئـة ..الأنعزاليـة ..النرجسيـة
رغم هدوئها الا أن في قلبها بركـانٌ من الوجـع
ذبلت عيناهـا ..وكل شيء فيها تحول الـئ شبه ميت
هـي زهرتـهُ الذابلـة ..

بغــداد ..

زهرة:

من بعد مانهيت كلشي وي جسار ..
مر شهر واني احاول واجاهد بكل طاقتي حتئ مااتذكره وما احن اله ..

حضرته من كلشي ..
وغلقت حساب الانستغرام نهائيا
وقررت انتبه لدراستي ..

سجلت بمعهد دورات تقوية لأن جنت صف رابع علمي
وضليت اروح كل يوم خميس وجمعة الصبح
من الساعة 8 للـ 12

جان المعهد بس بنات وهذا الشيء الي خلاني ارتاح اكثر ..
لأن سجلت بأكثر من معهد بس شفت كل معهد مختلط واني مااحب الاختلاط ..فـأرتاحيت للمعهد مالتي كلش وحبيته ..

اتعرفت علئ صديقات هوايه
حبابات كلش ولطيفات ..ندرس ونضحك سوا

حسيت بديت استرجع طاقتي
رغم الغصة والوجع الي بكلبي ..

يومي فارغ وممل مابيه شي جديد
من المدرسة للبيت والعكس
ودراسة ونوم ..

بس بالليل ..
بالليل تصير عندي حياة ثانية
حياة مليانة ذكريات
ذكريات وعتب وأشتياق ودموع ..
اطلع صورته واعاتبها
لو بصماته من يغنيلي ويقرا موال
لو كلماته من يتغزل بيه

اعيش الليل بكل دقيقة بيه ابجي
اعاتبه واحجي وياه
ليش؟
ليش احنه كلشي واكف ضدنا؟

وأنام وصورته بحضني ..

صارت شوفته مثل الحلم ..

البصــرة ...

الساعـة 11 صباحاً
(جامعة باب الزبيـر)

جسار كاعد ينتظر سلام يطلع من القسم

سلام: هاا شني اشوفك كاعد هناا ماعندك محاضرات

جسار: عندي بس مالي خلك مختنك كلش

سلام: شمالك؟

جسار: صار شهر ونص مااعرف اخبارها

سلام: زهرتك؟

جسار: اي ابتعدت مني
هي الرادت النا الفركة ..

سلام: اذا هي رادت حاول تنساها
لان تعرف اهلها ماينطوها

جسار: مادرري محتار بزماني
وفوك كل هذا اجت المامتوقع بيوم تجي

سلام: ياهي؟

جسار: نسرين

سلام: لا بربك!! تحجي صدك

جسار: اي والله
امس كاعد بالكافتريا وحدي وهي اجت كعدت كبالي

سلام: شتريد؟