نظرات جنوبية

أحـداث من القصـة

سمعت صوته جوه كعدت بكل حماس اريد اسويلي حجه حتئ انزل اشوفه قبل لايروح، كلت الـ ماما اني حروح اشرب مي
باوعتلي بطرف عينها وكأنو تعرف ليش اني نازله

نزلت واسمعه بالاستقبال كاعد وياهم ويريد يروح
دخلت للمطبخ وفتحت الثلاجه وسويت نفسي اشرب مي
دخل هو للمطبخ شافني ابتسم و گال: شلونج
كلت زينه الحمدلله ، واحس عيوني تركص من الفرح وهو يباوعلي ويبتسم ..
مدري شلون شفت طريقي وطلعت من المطبخ فرحانه كلش احساس ماكدرت اوصفه بس اللي يشوف شخص يحبه من بعد مدة طويلة هو راح يحس بهذا الاحساس ..

-----------------------------------------------------------

سألتنـي بلهفـة..

:تحبينه؟
-اي كلشش
:من شوكت
-من جنت طفلة وكبرت وكبر هذه الحب بكلبي
:وهوه يحبج؟
-مااعرف بس نظراته الي ماكدرت افهمها...

----------------------------------------------------------

دا اكل و زمرد كالت: وكعت رمشايه علئ خدج احزري يا خد بيهم؟

ضحكت وكلتلها: الأيسر

:صح الأيسر، يلا اتمني امنيه

غمضت عيوني واجه علئ بالي هوه ،اتمنيت اشوفه بكد ما مشتاقتله ...

-----------------------------------------------------------

:ليش خطبتني؟
💬:لأن انا ماناوي اضحك عليج وادخل وياج بعلاقه حب ماعرف نهايتها شنو
:بس بعدني صغيرة
💬:شنو صغيره البكدج عدهم اطفال وشايلات بيوت بس انتي مدري شبيج
:اني ماكدر اترك دراستي واتزوج صعبه حيل
💬:خوش جا انتي كملي دراستج وانا راح اتزوج......

-----------------------------------------------------------

اقرأ بالرسايل ومصدومه من كلامه، بجيت من كل كلبي وتندمت لان ماسمعت كلام صديقاتي وكل شخص كال اتركي
يعني شنو هو ما جان يحبني ؟زين اذا ميحبني ليش خطبني وليش كال لأهله عليه ،ليش لهدرجه اني ماعندي حظ حتئ بالحب ....

-----------------------------------------------------------

بعمري كُله ماراح انسـه هذا اليوم، هواي حذرته وكلتله لاتتصرف هيج بس ما جان يسمع كلامي وصار الي صار وبالنهايه ماكو شخص أتاذئ غيري، صرت اكره شكو شخص صار يستفزني بيه ويحاول يضوجني ويذكر اسمه، اعترف اني ماكرهته بس كرهت احساسي وكلبي اللي وصلوني لهذا الحال، كلشي صار بسببه وبسبب تهوره وأستعجاله خسرني وخسرته ...

--------------------------------------------------------

منين كاعد تباوعين؟
من الشباك..

----------------------------------------------------------

يتبـع...

كتبولي بالتعليقات اذا حابين انزل القصه أو اتركها لأن معجبتكم؟