نظرات جنوبية

البارت 14

لحظة لقاؤكَ كانت أشبه بطفلٍ صغير
ضاعَ بين زحام الناس ..ومن بعد حزنٌ وبكاء وهموم ..رأئ أمهُ فرؤيتها أعادت لهُ الحياة
ورؤيتكَ زالت لي البؤس و أعادت روحي ♥️

زهرة: اجت عيني بعين ولد دخل لبيتنا شايل جنطة بيده ..
ماركزت وماشفت وجهه زين لأن نضري ضعيف ومالابسة مناظري ، باوعت بالتلفون
ورجعت باوعتله وجاان اشوف جساار شايل جنطة ملابس بأيده اليمنئ ..ولابس قميص ابو الركبة اسود و سترة كريمية وبنطرون اسود وشعره طولان مرجعه ليوره ..ويمشي ومبتسم ابتسامته الساحرة كلبي
لحضات شفته بس جنها سنين مرت كدامي ..

صرخت بكل صوتي ووكع تلفوني من ايدي ..

زهرة: عزااااا بعينيي
يمه كلبي ..عزا والله مااصدك
ياااا الله ..
لااا لااا يمكن حلم
يممممه كلببببييي راح يووكف
ردت روحي الي ..
عزا هسه اتنفست والله
هسه عشت ..

هو فات لبيتنا واني بقيت اكمز ماامصدكة واحجي كلام مااافاهمته اصلا ..
واكرص بروحي خاف حلم
دموعي نزلت من الفرحة ..
وبدون وعي ركضت لغرفة ماما جانت كاعدة هي وخواتي ..

وصعدت فوك الجرباية واكمززز

زهرة: ااااججججه ولجن اجه ..

امي وخواتي يباوعن مصدومات واني الضحكة مالية وجهي واكمزز ع الجرباية ..
الئ ان فحطت وماما صيحت عليه

ام زهرة: شبيج اتخبلتي شبيججج ..
منو الأجه؟

كعدت ع الجرباية واخذت نفس وكلتلها ..

زهرة: جسار

ام زهرة: شنووووو؟!! شكاعد تحجين

زهرة: اي والله جسار اجه شفته بعيني من الشباك

جنت احجي كدام امي بدون وعي!! وماخذه راحتي بالكلام وهي صافنة عليه ..
هزت ايدها وكالت

ام زهرة: الك بيها أرادة ربي
اتخبلت البنية ..

زهرة: ضحكت وطلعت رجعت لغرفتي ..
اباوع بالمرايه وجهي احمررر حيل وعيوني تلمع
و كل شبر بجسمي يرجف عبالك انتلت!!

وضحكتي مافاركت وجهي
اضحك من كل كلبي من اتذكر وجهه من دخل مبتسم

فتحت شعري و صرت اغني ..

زهرة: الي غمرني بحببه وحناااانه
خله حيااتييي غييير
يرجع عمررري بشوفة وجهه
ومثل الطفلةةة اصيررر ..

حتئ نسيت هو هسه اذن وغنيت ..
و اركص وحتئ هلهلت
صرت احس نفسي اتخبلت!!!

واخر شي كمت ابجي من الفرحة ..
حتئ مشاعري ماصرت احسها شنو كل دقيقة تتغير ..
ساعة اركص وساعة ابجي ..

دزيت بصمات لنورهان وزمرد وايدي ترجف بالكوه لازمة التلفون واحجيلهن وهن يضحكن وفرحن الي ..

كلتلهن ...

زهرة: اكلجن احس راح اتخبل والله
ولجن كيكةةة كيكةة والله مو بشر
لا اني بعد ماااستحمل لازم يودوني للشماعية لمستشفئ المجانين بأقرب وقت ..