نظرات جنوبية

البارت 18

انه اول بنادم كلبه ما يبرد
انه المبيوع سد بسد
انه الخلص حياته يكول جا وحد ؟...

الكاتبة ..مرت الأيام والشهور علئ زهرة وهي تحاول تنسئ جسار وذكرياته من خلال قراءتها للقصص لو تلهي نفسها بأفلام ومسلسلات ..
بس بوسط كل هالأشياء لازم يجي ببالهاا ولازم تشتاقله ..

اجه شهر رمضاان و جان بالنسبة الهاا احلئ شهر لأن تحبه ..

زهرة: اجه شهر رمضان اكثر شهر احبه واحسه شهر مهم بحياتي ..بديت اقرا قران من اول يوم حتئ اختمه بنهاية الشهر ..
وروتيني برمضان جان عبارة عن اكعد بـ 2 الظهر اصلي و ارجع اناام واكعد بالفطور افطر واصلي وابدي انضف لأن احب انضف ورا الفطور ..
وراها نكعد كلنا نباوع مسلسلات لو برامج لحد السحور
ونتسحر و نصلي وابدي اقرا قران ع الهدوء لأن فجر وابقئ ساعة او نص ساعة واروح اتمدد بفراشي اتصفح بتلفوني لحد مااانام الساعة بـ 7 الصبح

طريقة نومي اتغيرت ..صرت انام النهار واضل سهرانه بليل لأن رمضان والكل كاعد
مرات احاول ارسم بس احس مالي واهس للرسم من اخر مرة تركته ..بس اكتب كلشي بداخلي او اي شي مضوجني بدفاتري علئ آمل انو بيوم ارجع اقرا كلماتي واكول ايام و عدت وصارت سوالف ..

وطبعاا كل يوم مايخلئ بدون نورهان وزمرد
احسهن عايشات ويايه مو بس نحجي بالتلفون
اشاركهن كلشي و هن هم ..
ومانمل من السوالف ابد ..

جان رمضان هالمرة مختلف ..العام جنت احبه واشتاقله وعلئ آمل نرجع بيوم ..
اما السنة!! حبه مات بكلبي رغم اشتياقي اله والآمل اللي جان عندي اختفئ ..مابقالي اي آمل وصرت اعيش حياتي عادية مو مثل قبل ابدا ..

صارت حياتي عبارة عن مسلسلات وافلام وقصص
احاول بقدر الأمكان الهي نفسي ومااتذكر

مر شهر رمضاان بكل خيرر وجان اخر 10 ايام باقيات منه ..

بأخر 10 ايام صرت احس نفسي مخنوكه كلش حتئ نوم مااكدر انام
جان عندي احساس اكو شي راح يصير
وماعرف ليش هيج افكرر
بس ماحاسه براحة ابد مثل الشخص اللي يحس بالشي قبل لايصير ..هيج اني
دائما احس بالشي قبل لايصير وهالحاسة العندي كرهتهاا كلش لأن دمرتني ..

جربت اسوي كلشي بس حتئ ارتاح ويطمن كلبي
قرين قران هواي وادعية ووصلت بيه مرحلة مرات اخلي القران جوا المخدة وانام بس حتئ مااحس بشي
و مرت هالـ 10 ايام

و قبل العيد بيومين ..
الصبح الساعة 6 ونص تقريباا

جنت كاعدة احجي اني و زمرد بالكروب ونورهاان نايمة وجنه نحجي رسايل نسولف ..

دزتلي رسالة زمرد عالخاص كالت اريد احجيلج شي
بوقتهاا كلبي نغزني كلت اكيد صاير شي
وماعرف ليش بالي راح لجسار
كلتلها احجي بس اتراجعت و كالت ماكو شي جنت اريد احجيلج ونسيت
ضليت الح عليهااا الئ ان كلتلها احس الموضوع اللي تردين تحجين بيه يخص جسار؟
كالت صح و مو بس جساار هم غير شخص ويااه ..