نظرات جنوبية

البارت 4

لاتلومينني يازهرتي ..
ان الروح تريدكِ
لكن قلبي..
ماذا أفعل بقلبي ..
هو يهوئ غيركِ
يهوئ تلكَ التي تعذبهُ
ويرفضكِ يازهرة ..
لا استطيع نسيانها يازهرة ..
أرددتُ أن انساها بكِ ..لكن بائت محاولاتي بالفشل
كنت في كل مرة احاول ان اقول لكِ الحقيقة وقلبي يرفض ..
لكن احببتكِ أنتِ ..
أحببتُ روحكِ الطفولية ..وكلامكِ البريئ
ونضرات عيناكِ الناعستين
وشعركِ ..وطولكِ
و طريقة لفظـكِ الغريبة لحرف الراء ..
كنتي تقولينها (غاء)
في كل مرة تقولين بها اسمي كنت اعشقهُ لأنهُ يصبح (جساغ) ..ويتجمل بلسانكِ ..
زهرتي ..لاتلومينني
لا استطيع ان أتقرب منكِ واحبكِ اكثر
ولا أريدُ خسارتكِ في يوماً ما ..
انا فقط لا أستطيع نسيانها
لذلك حتئ لو تزوجت بكِ لن انساها!!
لاتلومينني ..

الكاتبة ....
من بعد ما جسار رجع لحبيبته نسرين ..
صارت خلافات بينهم وعدم استقرار بعلاقتهم لكن بقوا مستمرين بعلاقتهم ..
وهذا الشي خلا جسار يحس هو شنو خسر من ايده
خسر بنيه جانت مستعدة تحارب وتضحي بكلشي في سبيل يبقئ الها ..
بس حبه لنسرين مسيطر عليه ..ومقيد كل مشاعره
وكل ضنه جان ان زهرة تكدر تنسئ لأن بعدها صغيرة
بس ..مافكر بكمية الحب الي بداخلها اله
ومن سابع المستحيلات ان تنساه وتنسئ كلشي يخصه بيوم من الأيام ..

زهرة: مرت الأيام ..و رجعنا الكورس الثاني
حجيت لنورهان وزمرد كلشي صار وانقهرن عليه وعلئ حالتي ..

صارت ايامي مملة ومابيها اي معنئ ..
كل وقتي اقرا قصص لو ارتب غرفتي لو انام
حتئ دراستي هملتها ..

من بعد اخر محادثة بيني وبين جسار مادز شي
بس كل ماانشر شي يعلقلي ..

علاقتي وي جسار صارت علاقة ميتة ومستحيل ترجع بيوم ..بسبب خيانته و كذبه ..

ايامي باهتة بدون لون وحياة ..
صرت احس حياتي صارت سودة
رغم الكل يمي وكلشي احتاجه الكاه ..
بس جسار!!!

اشتاقله وماكو شي يعبر عن اشتياقي غير كتاباتي
والاشعار الي انشرها ..وهو يشوف وماكو اي ردة فعل منه ..

بيوم ...

جنت راجعة من المدرسة ودخلت لبيتنا
بس سمعت صوت خطار عدنا ..

دخلت من المطبخ ولكيت ماما وسئلتها منو عدنا

ام زهرة: ام جسار عدنا

زهرة: شنوو!!!

ام زهرة: امشي سلمي وصعدي

زهرة: رحت للأستقبال لكيتها كاعدة تسولف هي وبيبي
سلمت عليها وعيوني تدمع ..
هي حست عليه وصارت تباوعلي ..

طلعت من الأستقبال وصعدت لغرفتي
بس احس اختنكت ..
كلبي يدك بقوة والنفس بالكوه اتنفسه ..

كلما اريد انساك لو انت ترجع تطلع بحياتي لو واحد من اهلك ..تعبت منك تعبببت

بقيت ابجي ونمت بملابس المدرسة ..
كعدت العصر ورحت لماما ..