نظرات جنوبية

البارت 19

أنـا لـكَ وإليـكَ ..
منـكَ وبـكَ ..
بحُبـكَ أعيش ..
بجواركَ أستشعر الأمـان والأطمئنـان ..
خُلقت لأكـون إليـك ..وخُلقتَ أنت لـتحارب من أجلـي ..
تفاصيلـكَ لـي وحدي ..
قلبُـكَ وطنـي، حضنكَ بيتـيّ ..
لا داعـي لذكر السعادة وانا معـكَ ..
أنت السعـادة ♥️!!

بـقلمـي:  zahraa_alabadei

جسار: كومي ولج لا يحسون أهلج ..
وهم انا ماتحمل أشوف حبيبتي كاعدة كبالي!

زهرة: أبتسمت وكمت رحت لغرفتي وأحس الخوف راح مني
بس الرجفة بعدها بجسمي ..

نمت واني أشم بقميصي لأن عطره بقئ بيه ..

ثاني يوم ..
كعدت الساعة 10 و أني نشيطة وعندي طاقة ايجابية عالية
لأن جسار موجود هههههه...

غسلت وجهي ..
ورحت بدلت لبست تراك لون رصاصي ضيق من الخصر وعريض من جوه ..و ضفرت شعري وخليت شال علئ راسي بس مالفيته ..
ونزلت جوه تريكت شي قليل ورجعت صعدت رتبت غرفتي
وكعدت ..شفت واصلتني رسالة من جسار قبل خمس دقائق

جسار💬: صباح الخير عمري ❤️

أبتسمت ودزيتله ..

زهرة💬: صباح النور ❤️..

حتئ كلمة حبيبي صرت أحسها صعبة!!
صرت أكتفي بكلمات قليلة ..
من أتذكر اني انطيت وعد لماما أحس نفسي مو كد الوعد ..
و مو كد الثقة ..
حرت بين امي وجسار !!
ماعرف أرضي منو بيهم ..
وأمشي بكلام منو؟!!!

شوية و جاوبني جسار ..

جسار💬: هلاا عمري ..
مشتاقلج ..

زهرة💬: تشتاقلك العافية ..

جسار💬:شبيج أحسج مو علئ بعضج؟

زهرة💬: هاا لاا مابيه شي ..

جسار💬:متغيرة مو مثل قبل!!

زهرة💬:مادري ..
أنت وين؟ ماشفتك من نزلت ..

جسار💬: ايي بعدني نايم بالأستقبال
هسه كعدت ..

زهرة💬: اممم اوك ..

جسار💬:اليوم أخلي أبوي يفاتح أبوج بموضوعنه!

زهرة💬:شنووو؟؟ شدتحجي؟ ياموضوع ..

جسار💬:راح اخطبج شبيج!?

زهرة💬: جسار لا لتسوي هيج ..
فدوة لااا

بس دزيت الرسالة خابر ..
رديت واني خايفة وارجف من اللي راح يصير ..

جسار: ليش ماتردين اخطبج؟
أحجي ..

زهرة: جسار لتكول لأبوك عفية ..

جسار: شبيج خايفة؟!
المثلج تفرح راح يخطبها حبيبها ..

زهرة: جسار مو وكتها أبد ..
امي ماراح تقبل أكيد !!

جسار: وانا شعليه بأمج؟!
أنا راح أطلبج من أبوج ..
وكدام الكل ..

زهرة:شنوو؟؟ وكدام الكل!