نظرات جنوبية

البارت 18

هي صدفــه
وعيني رفـــت..
ليش تضحـــــك...
.وإني لازم روحي گوه..
بس شسوي الروحي حنت..
ردت اگلک شغله بيه..
الدنيا زعلانه عليه.. .
خاف ماتدري
گلتـــــلك..
خاف اموت وما اشوفــــك...
ضملي من وجهـــك
ضحكتگ..!!

زهرة: الوو؟؟
الوو؟
مايحجي بس ساكت وصوته وهو ياخذ حسرات مبين!!

زهرة: ليش ماتحجي؟ بيـك شيء ..؟

جسار:أريدج!

زهرة:سكتت ماحجيت شيء ..بس دموعي تنزل علئ خدي وتحركني ..

جسار:ليش تبجين؟!

زهرة: تعبت ..ماكاعد اكدر حتئ أنام ..ماكدر انسئ شلون خطفوني ..وشلون عشت برعب والليل كله كاعدة بغرفة ضلمة حتئ ضوء مابيها وصوت الكلاب داير مداير الغرفة ..
شلون انسئ؟!

جسار: زهرة أريد أسألج سؤال بس كلبي ماكاعد ينطيني!

زهرة:اسأل ..

جسار: سوولج شيء؟

زهرة: لااا

جسار: متأكدة!

زهرة:اي والله ماسوولي شيء! ليش تسأل؟

جسار: مادري ..خفت عليج لا أكثر!

زهرة: ايي هسه بيش الساعة ردت أنام وأنته أتصلت ..

جسار: بـ8 هسه ..لاتنامين بعد شينومج بليل ..

زهرة: اوك..راح أصلي ..مع سلامة ..

جسار: أحبج ..باي ..

زهرة: سديته منه واني مااحس بشيء..
قبل جنت أذا أسمع هلكلمة منه كلبي يدك سريع وأبتسم حتئ لو جنت ضايجة ..بس هسه أتغير كلشي،
صرت أحس مشاعري ماتت وماعندي قدرة تخليني أكول لجسار وأفضفضله مشاعري ..

كمت صليت وكملت ..و رتبت غرفتي ..
وبدلت لبست فستان أسود ومنقط بأبيض وحجاب أسود ..
شوية وصاحوني عالعشا .....
شكد أكره التجمعات وأحب أكعد وحدي ..
بس تبقئ لمة الأهل والعائلة ماتتعوض ..
يوم واحد غبت عن أهلي وأحس خسرت كلشي،
الحمدلله علئ كل حال أهم شيء رجعت ..

نزلت أمشي بالممر اللي يفصل بين الأستقبال والمطبخ ..
جان جسار كاعد يشرب جكاير ..
فتت من يمه كال ..

جسار: بويه بهداي عليّ هو انتي بلا هيج مضويه أنوب أسود!

زهرة: أبتسمت ودنكت وأحس الحرارة تطلع من وجهي ..
رحت للمطبخ ملتمات بنات عمي كلهن يشتغلن ويسولفن
وكفت يمهن شوية وبعدين كامن يصبن عشا والولد ياخذون ..

كملوا وكعدوا كلهم علئ السفرة ..
كعدت يم بابا واكل خفيف لأن مااشتهي ..
خلصت وكمت ...

كعدت يمهم شوية بس بالي مو وياي ويحجون وماانتبه!
خليت وصعدت لغرفتي ...
جانت الساعة 10 ونص ..
تعبت اليوم حيل بس ماكاعد أنام ..
أحاول أنام وماكدر!
كلت خل ألعب بتلفون بلكي أنسئ وأغفئ ..
بس هم مافاد ..