نظرات جنوبية

البارت 19

قرأتُ ذات يوم بأن الصديق هو كل شيء
يصبح لكَ عكازاً وسنداً و اخٌ لاتلدهُ امكَ
ويضحي بنفسهِ من اجلكَ
لكن انتي ياصديقتي
يا رفيقة دربي
لم تكوني معي للأبد
ذهبتي في اول الطريق
ولن تستطيعي ان تبقي معي ..
وقرأت ايضا بأن الحبيب لايخون!!
و حتئ وأن خاان فـ انهُ لابد من ان يحتفظ
بالعشرة ويصونهاا ولايجرحُكَ ويذهب من حيث ما اتئ ..
لكن انت!! لستَ كذلك
انت السبب في كل ندبةً اعيشها
وفي كل دمعةً تسقط من عيناي
والسبب ايضا بجعلي انسانةً دون روح
انا الآن اعيش حياتي واحاول الأتكاء علئ قلبي والنهوض للعيش علئ واقعي المؤلم
اصبحتُ ارئ الناس بكم ..
يا قاتلين لقلبي!! 💔

زهرة: حجيت لماما كلشي ..انصدمت واتفاجأت لأن كل هذا صار بيه ..
كالت خيولون همه الله كشف معدنهم وراد يبعدهم عنج شكو تضوجين نفسج ..هو كلمن يدور علئ صنفه

وكلتلهاا اريد اواجههم ..كالت بشرط
تواجهيههم بس وراهاا تحذفين كلشي يخصهم وتنتبهين لحياتج وبس وتنسين الماضي وتبدين صفحة جديدة ..

هزيت راسي ورحت لفراشي ..بقيت اتكلب وماغفيت ولانمت لحد ماا صارت الساعة 6 العصر

قبل الأذان بكم دقيقة
كمت بدلت وغسلت وجهي ومشطت شعري ونزلت فطرت اكلت بس تمر ولبن وصعدت مالي نفس اكل

صعدت صليت و راسلت زمرد كلتلهاا شصار وياج كالت ماا تقبل تعترفلج وتحجيلج ..كتلهاا ماكدر اصبر لباجر راح اواجههم كالت سوي الي يريحج لأن يستاهلون كلشي ..

رحت راسلت جساار الساعة بـ 9

زهرة💬: شسويتلك حتئ هيج تأذينـي؟

جسار💬: يا ستار ..شكو؟

زهرة💬: ليش جسار؟

جسار💬: شبيج قلقتينـي؟

زهرة💬: هسه راح تعرف شبيه ..

دزيتله صور محادثتهم هو و نورهان ، شافهن وجاوب

جسار💬: كاافي ..كافي صور

زهرة💬: عيب عالعشرة اللي بين اهلي واهلك والملح والزاد تشك بيه وتراقبني!!عالأقل جان احترمت اهلي

جسار💬: بس انا ما ذميتج ولا حجيت عن اهلج حجيت الحقيقية ..

زهرة💬: ومستعدة احلفلك ع القران اني ماداخله لحبيبتك لان مو بطبعي ااذي انسان
ماادخللها ولا احاربها عليك لأن اريدها هي بنفسها تعرف حقيقتك ..
صح احبك بس بعمري ماحاربت بنية علمودك ولا اتجاوزت حدودي ورحت حجيت وي وحدة حتئ تبتعد عنك بالرغم بنات جامعتك كلهن اعرفهن وكلهن بصفحتك ..بس مافكرت بيوم احارب واحجي واتعب نفسي ..

جسار💬: اعرف
جنت اعرف مو انتي بس شكيت بيج
انا اعرف هي منو الدخلت لحبيبتي واعرفها حق المعرفة وهي قريبة عليج هم ...

زهرة💬: شلون يعني قريبة عليه؟!!!
فهمني ..

جسار💬: وحدة من بنات عمج ..