نظرات جنوبية

البارت 12

بخلت عيوني بدمعها وبالي لح يريدني ابجي
وماكو فد صاحب يعين ..
كلت حتى ابجي بمزاجي راح الم چم رمش باقي
واخذ دموعي واسافر وين ماعند الله عين !!

رحت للغرفه لكيتها كاعده كالت تعاي كعدي كبالي ..

كعدت وهي تباوعلي بنظرات مافهمتها أبد ..
الئ أن حجت ..

ماما: احجيلي كلشي وبدون جذب ..

زهرة: شنو ماما شحجي؟!

ماما: أحجيلي شنو البينج وبين جسار؟!!

زهرة: صفنت بوجهه وعيوني دمعت ..شلون أكدر أواجه أمي واكلها أحبه ..وأني بهذا الضعف ..
للحظة حسيت كلشي احتفئ وبس دكات كلبي تنسمع ودموعي من تنزل علئ الكاع بدل ماتوكع علئ خدي!!
ياربي القوة ..شلون راح أكوللها، صعبة حيل بنية تعترف لأمها عن علاقتها بحبيبها ..
بقيت أباوع بعيونها وابجي ..ماحجيت !!!

ماما: أحجي شبيج تبجين؟
أعتبريني صديقتج وأحجي ..اني أمج مو عدوتج!!
وأكيد أريدلج الأحسن، أحجي يا ماما؟؟

زهرة: اني وجسار نحب بعض ..

ماما: من شوكت؟

زهرة: صار شهرين ..!!

ماما: وهو يحبج ..؟؟

زهرة: ايي ..

ماما: شوفي ماما..
أول شيء بعدج صغيرة علئ هالسوالف ..
وثاني شيء ترئ حبج اله هو حب مراهقة ومع الوقت راح تنسين بس تكبرين ..

زهرة: بس حبي اله مو حب مراهقة والله!!

ماما:أدري وشمدريج مايضحك عليج؟؟ يمكن شافج صغيرة وكال خل أضحك عليها!!

زهرة:لا ماما أني أعرف جسار كُلش زين ..

ماما: أحجيلي شنو تحجون ? ومن يجي هنا هم ملتقيه بيه وحدكم واني ماادري ...

زهرة:حجيتلها المواقف اللي صارت بيناتنا بالعرس من صيح عليه واجه يراضيني وحجيتلها كلشي بس ماحجيتلها من نزلت بليل وانطاني الكلادة!!

ماما:هو اني منتبهه عليه من يجي وتفوتين انتي يضل يباوعلج ومن خطبج هم حسيت عليه بس ماخليتها ابالي ..

زهرة: ماما جانت تحجي ويايه وتلفوني قريب مني ..
أجاني أشعار وماما باوعتلي!!

ماما: أفتحيه خل أشوف؟؟

زهرة: فتحته وأنطيته الها ..

جسار: هاا حبيبي ..
مشتاقلج أم لسان ..

زهرة:ماما تقره بالرسايل الدازهم واني ارجف من الخجل والتوتر ..ليش جسار الأ هسه تدز رسالة!!

ماما:ماراح اخذ التلفون منج بس اريدج توعديني !!!

زهرة: بشنو ماما ..؟

ماما: توعديني ما تجاوبينه حتئ لو دز 100 رسالة ..
ماشي؟!

زهرة: ماشي ماما ماراح اجاوبه ..
طلعت من الغرفه وجسمي يرجف عبالك كاعد يحققون ويايه!

وفعلاً ماجاوبته و لـ 12 بليل الكل نام وهو اتصل عليه وانطيته رفض ..رجع دز رساله ..

جسار 💬:شكو حبيبي شو تشوفين الرسالة وماتجاوبين؟
صاير شيء؟!

زهرة 💬: 💔☹️

جسار 💬: شبيج يمعوده؟؟ خبلتيني !

زهرة 💬:جسار ماما عرفت بعلاقتنه ..

جسار 💬: وانتي ليش خايفه، عادي أول وتالي راح تعرف ..
تعاي اتصال وفهميني كلشي بالتفصيل ..

زهرة:

حجيتله كلشي بس الصدمني هو عادي عنده وما مهتم ..
كلتله شنو راح اسوي هسه؟

جسار: اني راح اخابرها واحجي وياها ..واشوف شتكول!!

زهرة:ماشي، بس تتوقع ترفض مرة ثانيه ..

جسار:اني هم حاس عليها ترفض، بس انشاءالله ماكو شيء ..
يلا نامي ولاتشغلين بالج ..تنحل أنشاءالله  ..

زهرة: نمت وأطمنت شوية لأن هو واكف ويايه بالرغم انو اني خايفه من ردة فعل أمي أذا يخطبني مرة ثانية ..

يتبببببع ........

شنو رأيكم 💜+لاتنسون التصويت..

دُمتـم فـي أمان الله وحفضـهِ 🍁..