نظرات جنوبية

البارت 9

لو أخبرتُك أنّني
رغم كل هذه الثّقة الظاهرةِ عليّ
مليءٌ بالخوف..
لو شرحتُ لك بكلّ بساطةٍ
كم يُؤلمني التعلّق
وكم يخيفُني الرحيل،

لو أريتُك طريقي،
وكيف أنني بقيتُ نصف عمريَ
أهربُ
كي لا أُتركَ..

أختارُ البقاء وحيدًا
كي لا أُجبَرَ على الوِحدة..

أنّني أغلقُ أبواب قلبي
خوفًا من أن تُهجَرَ
وأقفلُ شبابيكهُ
حذرًا من أن تُكسرَ بالكلماتِ

لو أخبرتُك أنّني لا أبحثُ
عن الحبّ،
أريدُ الطّمأنينة، أريدُ الثّبات فقط!

هل ستتركُني وترحل..

وصلنا للنجف من بعد طريق طويل بس ماحسيت بيه واني يم جسار ..كل شوي واني نايمة يكرصني من خشمي ويضحك ..
نزلنا من السيارة ورحنا للمقبرة وبجي وصياح النسوان ..
جنت واكفه بالزاوية وابجي لأن من صغري أخاف اتقرب للقبور ...اجه جسار وكف يمي وعيونه حمر ..بعدين صرت اكح بصوت قوي حنجرتي ألتهبت من البرد ومن البجي ..

جسار: شبيج ?!

زهرة: مادري بس بلاعيمي يأذني ..

ماما صاحت عليه ورحت يمها كالت ارجعي للسيارة اذا متكدرين بس منو ياخذج؟؟! ،عمو صاح علئ جسار وكاله بس وصلها للسيارة ماتتحمل ..

جسار: اي، يلا امشي ..

زهرة: مشيت كدامه و جر ايدي وضل لازم ايدي ويمشي ..
وصلنا للسيارة وجان بيها بس السايق وكال

جسار: اني واكف هنا اذا تردين شي بس صيحي ..

زهرة: نزل من السيارة وضل واكف بعد مسافة يدخن وصافن عالشارع ..والسايق جان بالسيارة وأبد ماارتاحيتله كل شوي يغمز ويسوي حركات بوجهه ..خفت وباوعت لجسار بخوف ، هو اشرلي شكو ؟! ..ضليت بس اباوعه وجسمي يرجف من الخوف ..والسايق سواله حجه دخل للسيارة وصار يدور علئ شيء ضايع منه ..خفت واشرت لجسار اجه ..
السايق داير وجهه وصاير مقابيلي واكف ويدور و حجه

:عيني شهالگيمر من الصبح ! ماتنطينه عضه من خدودج ..

ومااشوف غير جسار اجه من وراه و كام يتضارب هو وياه ..

جسار: للللللك شتسوي، منو انتتتت حتئ تحجيييي وياهه
ماتستحي ..رجال شكدك تتحارش ببنية بگد بنتك ..ماعندك عرض ماعندك بنات ..مااحترمت شيباتك ..

اول مرة اشوف جسار عصبي بهالشكل ..عيونه حمر وشرايين ركبته مبينه وحسيتها راح أطك ..ويحجي بعصبية وبكل علو صوته ..والسايق حس بذنبه لأن ماصار يدافع من يضربه وجسار كل بوكسي ينطيه اله بوجهه ..

جسار: أقسم بالله لو ما احترمت نفسك و عينك ما تصد علئ بناتنه أروح أكول لعمامهه وهمه خل يتصرفون وياك ..فهمتتتت ..

السايق: هاهيه عمي اعتذر اني ..

زهرة:تركه جسار وكال امشي نزلي وياي ..
نزلت وياه ووكفنا بمكان فارغ و ايديه ترجف ..صرت ابجي واشهك ..وهو يسكت بيه