نظرات جنوبية

البارت 7

هنا انا
اجلس في ضلام الليل في غرفتي
احرس ذكرياتكَ
انام علئ صورتكَ
احضنها واقبلها لعلني اروي قلبي الضمأن لرؤيتكَ
اسمعُ موسيقاكَ
و اغطي رأسي تحت وسادتي وابدأ بالبكاء
البكاء الذي لاينتهي
والحزن الذي لايزول
اقرأ رسائلكَ وثمة ألم يصيبَ قلبي ..
ورجفةٌ تحتلني
اعود للجلوس مرةً ثانية لأحاول ان اكف عن البكاء
لكن لاجدوئ من ذلك
دموعي تصرخ بدلاً مني ...
ويبقئ السؤال
اي حبٌ حبـي لكَ؟!

زهرة: وصلنا للبيت الساعة بـ 2 بليل
الكل جان نايم ..
رحت لغرفتي واجر بروحي جر مابيه حيل حتئ امشي
اتمددت علئ جربايتي حتئ بدون ماابدل
صرت اتذكر وتنزل دموعي حارة علئ وجهي
لوين اريد اوصل بحبي لجسار؟
واني اعرف حبي هذا ما منه غير الهم والقهر
بس مو بيدي
احبه واريده رغم كلشي
رغم عمي وابنه
و رفض امي وابويه
و دراستي
ابقئ اريده ويبقئ حبي الأول
رغم خيانته الي وجذبه!!!

بعد مرور اسبوع ..

جنت كاعدة اقرا بدفتر ملاحضاتي
هذا الدفتر كاتبة بيه كلشي
من بداية حبي لجسار لنهايتها وكاتبة ذكرياتنا ورسائل جسار ..

بصفحة من الصفحات جنت كاتبة تاريخ ميلاده و راسمة عيونه ..

اتذكرت سبب هالرسمة وضحكت ..

ورجعت سنة ليورا وي ذكرياتي ..

بيوم جنه نحجي اتصال واحجيله علئ رسماتي وكال دزيلي خل اشوف دزيت رسمة من رسماتي وضحك كال تجنن واتحداني ارسمه

كلتله ...

زهرة: ارسم بس عيونك

جسار: ليش بس عيوني؟

زهرة: أحبهن

جسار: وهنه هم يحبنج ..
يلا باجر اريد الرسمة انه

زهرة: هههههه حاضر

جسار: وشكد الفلوس

زهرة: ههههههههه مااخذ منك
واصلا الرسمة بدون فلوس

جسار: زين يصير انطيج بوسة

زهرة: جسسسااار

جسار: چا غير انتي ماترضين بالفلوس انطيج بوسة عالأقل ..

زهرة: راح اكول باي والله

جسار: تدرين حفضت كلماتج
من اسئلج علئ شي تكولين ماادري
من اكلج احبج تكولين اني هم
من اتغزل تكولين راح اكول باي
عمي شسالفة ابطل مااغازلج

زهرة: اي لتغازل مااريد

ضحك وكال ..

جسار: احبج

رجعت من صفنتي للواقع لأن كلشي صار ذكريات
وانتبهت عيد ميلاده باجر!!!

حبيت اعايده حتئ لو بشيء بسيط

ثاني يوم العصر فتحت الحظر و دزيتله رسالة ..

زهرة: كل عام وانت بخير ..
تذكرت انو اليوم عيد ميلادك 💜حبيت أكون أول شخص يعايدك . .
اني اعتذر على كلامي اللي كلته قبل فترة بس جانت حالتي النفسية موزينه واضطريت اكول هلحجي . .
أتمنى تقبل اعتذاري لأن مااحب ازعل شخص بسببي ... و صح هو بشهر محرم بس هذه مايمنعني انو اعايدك حتى لو كان بيناتنا زعل . .وكل عام وانت بخير 💜