نظرات جنوبية

البارت 11

أعترفلك ..
تذكر بساعات "جرحك" .. من أكلك
بـ السلامة ..
مودع ..
وناسي اعتبرني

تذكر شگد گتلك اتهنة اوية غيري..!
و(دبرت ضحكات صلفة)

وگبعت بيهن دمعتي ورجفتي
وشوغات حزني

طشرتني
وماحسبت حساب روحك ..
ليش مو چنت انتَ چاي وآنه هيلك !
بعدي ياهو اليعتنيلك ؟
ضيعتني ..

مر أسبوع و ماكو اي رساله منه ..واني هم مادزيت اي رسالة ..لأن حسيته اتكبر عليه ..
بس ماكدرت اتحمل ..واشتياقي اله جبرني ادزله رسالة ..

دزيتله رسالة الساعة 12 بليل ..

زهرة 💬: أشتاقيتلك 💔

جسار 💬: 💔💔

زهرة:

جاوبني بسمايل وانقهرت زيادة ..رجعت دزيتله ..شعر

زهرة 💬:

       هم عبرت الساعة 12
       هم أجه الليل بدونك
       وما أدري وين انطي الوجه من تجي أبالي عيونك ..
     ما أعرف شـضل من رحت ؟!
  ما أكول عن روحي طحت ..بس جنت أهز أيدي أذا واحد يكلي شلونك ..
     شسويت بيه؟!
      شسويت بيه من درت وجهك بأخر نظرة ..
       ضليت واكف مستحي مثل البيوت الفقرة ..
      ومن عدها ضليت أفتهم ..ليش المفاركله محب من يمشي يلزم ضهره ..
       يل عالرسايـل ماتـرد!! لو تعرف أحساسي شنو ؟
          من أكتب وما تقـره 💔

جسار 💬: مشتاااااقلج حيل، وآسف لأن صار أسبوع هجرتج ..بس غثيتيني بكلامج ..انا خابص الدنيا بيج وكلها تدري أنا اريدج وانتي تجين آخر شيء تكولين مااوافق ..

زهرة 💬: أسفة 💔

جسار 💬:عادي حبيبتي أنسي، وخلص سدي الموضوع ..
ايي شلونج ..

زهرة 💬: موزينه لأن مشتاقتلك!!

جسار 💬: يابعد روحي، ولج صارلي اسبوع أفكر وحتئ مانايم ..

زهرة 💬: بـشنو تفكر؟!

جسار 💬: بموضوعنا ..شلون مااجيبها ماترهم ..ساعة أمج وساعة أنتي ..

زهرة 💬: أنته ليش مستعجل عالخطوبة؟

جسار 💬: لأن أريدج يمي، تعبت من الأنتظار ..
شوكت تصيرين يمي وأخلص ..

زهرة 💬: شلونك

جسار 💬: ههههههه ليش تتهربين من أجيب طاري الخطوبة

زهرة 💬: لأن ..

جسار 💬: ايي شنو ؟

زهرة 💬: لأن أستحي ..

جسار 💬: ههههه فدوة للتستحي يابه ..
كاعد أتخيلج خدودج صايره طماطه وعيونج بيها لمعه 😂
مو صحيح ؟

زهرة 💬: جسسسار كافي ..

جسار 💬: فدوة لـزهرتي ❤️..

زهرة:

وضلينا نحجي ونعوض الأيام اللي تفارقنه بيها ..و كل واحد بينا يشرح أشتياقه للثاني ..

وره يومين خلص اشتراك النت ..وماجان عندي خط حتئ اخابره ..فـ جنت اخذ تلفون ماما و ارمش عليه وهو يخابر ونضل نحجي ..

الئ أن بيوم نايمه الظهر واجت ماما فززتني وكالت تعاي وراي للغرفة ..جانت معانيها ماتتفسر و خزرتني ..

رحت للغرفه لكيتها كاعده كالت تعاي كعدي كبالي ..

كعدت وهي تباوعلي بنظرات مافهمتها أبد ..
الئ أن حجت ..

ماما: احجيلي كلشي وبدون جذب ..

زهرة: شنو ماما شحجي؟!

ماما: أحجيلي .......يتبببببع

شنو رأيكم ..❤️
وشنو توقعاتكم ..وتتوقعون أم زهرة شنو تريد من زهرة؟

دُمتم فـي أمان الله وحفضـهِ 🍁..