نظرات جنوبية

البارت 7

حيل بينا
أحنا ضيعنا العُمر من بين إيدينا
وأحنا تانينا القطار وما مشينا
وأنتظرنا، وأنتظرنا
بلكي شي منكم يجينا
ردنة ننسى وما نسينا
ردنة نبچي وما بچينا
ونعتب ونحچي عليمن
وياهو يسمع لو حچينا؟
تاكل الحَسرات بينا وما بچينا
كلها من گلوبنا العمّت علينا ..

مرت الأيام وحبي لجسار يزيد يوم بعد يوم واشتياقي اله يكثر كل ثانية ..
الئ ان بيوم قررت اسوي أنستغرام واني عمري بوقتها 15 سنة فقط ..ماجان علئ بالي انو اسويه علمود ارتبط او غير اشياء ..بس حبيت اسوي حتئ اراقب جسار ..
جان عندي آمل انو اني اذا بحثت عن اسمه راح تطلع صفحته ..وفعلاً سويت البرنامج و بحثت اسمه و تابعته بصفحه مجهولة ..ضليت تقريباً 3 اشهر اراقب ستورياته ومنشوراته وصوره وانطي لايك علئ كل صورة ..

ماجنت ضايفه اي شخص ومحد جان يدري انو اني عندي هالبرنامج ..اكتفيت بصمتي وماحجيت لأي شخص عن اللي كاعد اسويه ..

بيوم جنت كاعدة ومن اشتياقي اله ومن غبائي بلحظتها راسلته ..

زهرة 💬: مرحبا

جسار 💬:مراحب منو

زهرة 💬:اني زهرة ..

جسار 💬: زهرة!!!

زهرة 💬:اي اني زهرة ☹️

جسار 💬: وشلون أتأكد اذا انتي زهرة لو مو هيه وكاعد تتهمين البنية اللي تعنيلي بالذات ..

زهرة 💬: ليش تعنيلك ?!

جسار 💬:شيء مايخصج وثاني شيء دزي يصمه حتئ أتأكد لأن لهسه مامصدك يمكن انتي تجذبين شمدريني!

زهرة 💬: دزيتله بصمه وكلت بيها اني زهرة. .

جسار 💬:انتي زهرة صدك 😕..
شلونج ، وليش دخلتي خاص ?!

زهرة 💬:اسفه بس اريد اكولك شيء وخايفه ..

جسار 💬: من شنو خايفه ؟! كولي شبيج ..

زهرة 💬:أوعدني ماراح تكول لأحد !!

جسار 💬: وعلي مااكول بعد، بس احجي موتيني ..

زهرة 💬: اني ادري اللي كاعد اسويه غلط بس اني احبك ..💔

جسار 💬: تحبيني؟؟!

زهرة 💬: ايي و عفيه لاتكول لأحد اني حجيت وياك

جسار 💬: اول شيء اكو هواي اشياء انتي ماعندج علم بيها وثاني شيء شعبالج انا مراهق حتئ احجي!?

زهرة 💬: شنو اللي مااعرف بيه ..

جسار 💬: انتي ماسألتي نفسج ليش خطبتج؟ وليش صيحت عليج بالعرس وليش زعلتي مني واجيت راضيتج؟؟

زهرة 💬: مافهمت لأن انته طبعك عصبي وتعصب عالكل ☹️

جسار 💬:ههههه والله فطيرة ياالله ..ترئ انا من حبي الج اسوي كل هذا وبعدين وين اكو واحد يخطب وحدة وهي ماتفكر ليش خطبها ..شمالج؟! 😂

زهرة 💬: يعني صدك هو انته ليش خطبتني؟!

جسار 💬:لأن احبج وجنت حاس عليج تحبيني ..

زهرة 💬: صدك!! شلون ؟

جسار 💬: من نظرات عيونج، جنت من اباوعلج عيونج تلمع وخدودج تصير حمر ههههه ..

زهرة 💬: ههههه

جسار 💬: تدرين رجعتيلي آلأمل بداخلي ❤️

زهرة 💬: ليش ؟!

جسار 💬: من سمعت رفض امج واني كل هاي الفترة احاول انساج ..عبالي انتي ماترديني وكلت بكيفها مااجبرها علئ شيء اذا ماتحبني ..بس هسه رجعتيلي كلشي ..
تدرين اخر مرة من اجيت ردت اشوفج وانتي بسرعه شردتي حتئ مالحكت اباوع لعيونج الحلوة ..

زهرة 💬: يحجي واني صافنه واباوع لرسائله ..وفرحانه وعيوني تدمع من الفرح ..بوقتها سجلت التاريخ والساعه والدقيقه اللي اعترفلي بيها بحبه ..جنت اسعد انسانه بذاك اليوم ..

ماجنت اعرف راح اندم بعدين 💔 ...

شنو رأيكم 🌚طبعاً محادثة جسار وزهرة اطول محادثة بالتاريخ 😂...

يلا توقعاتكم كتبوها بالتعليقات 💜..ولاتنسون التصويت

دمتم في أمان الله وحفظـهِ ..🍁

⁩