Alegria

43

"Hindi ka ba ulit sasabay sa akin?" tanong ni Jeng sa akin bago lumabas ng dorm

"Mauna ka na. 'Wag mo na ako antayin, bye!" sagot ko

Weeks have passed, at pinanindigan ko nga talaga ang sinabi ko. Sana lang talaga hindi ako dalawin ni Lolo.

Simula nang bumalik ako dito sa Kalayaan, naging tahimik lang ako. Pinapansin ko pa rin naman si Jeng pero madalang na nga lang

Ayoko rin naman kasing mainggit yung tatlong lalaki, lalo na yung taong dapat ko munang layuan

Kaya nagpaka-introvert kuno muna ako.

After ko magtali ng sintas, kinuha ko na ang bag ko at lumabas na rin ng dorm.

"Midterms na next week. So please, review your lessons well dahil doon nakasalalay ang magiging grades n'yo for this semester"

Nice, midterms. Siguro naman maka-career ko 'to ulit dahil ako lang ulit mag-isa ang magrereview

After mag-announce ng prof namin ay umalis din s'ya agad.

Sa lahat ng prof na dumating, nakinig lang ako nang nakinig. Masaya pala. Masaya rin pala maging introvert 'no?

Pero after ng lahat ng morning classes ko, syempre may lunch. At ngayon, hindi ko na s'ya kinakalimutan. Part 'to ng pag-life break ko 'no!

Napili kong kay Aling Nena na ulit mag-lunch dahil alam kong kapag sa CASAA ako kumain, makikita na naman ako nila Marcus na walang ginawa kundi kulitin ako

Actually, ilang linggo na nila akong kinukulit doon. Pero dahil mataas ang pride ko, hindi ko sila pinapansin

Ayokong may naiinggit na isa doon.

Tanging skyflakes at coke lang ang kinakain ko ngayon dito sa favorite spot ko, kasabay ang pagbabasa ng libro. Libro 'to na nakuha ko sa kwarto ni Lolo

Ramdam na ramdam ko ulit yung pagiging freshmen sa ginagawa ko, pota.

Busy ako sa pagiging introvert ko dito, nang biglang may tumabi sa akin na dumampot ng skyflakes na nasa kamay ko

"Hoy!" pag-gulat ni Andres sa akin

"Oh, anong ginagawa mo rito ha?" tanong ko

"Ikaw? Bakit mag-isa ka na lang ngayon?"

"Wala, trip ko lang. Ano ba pake mo ha, Juan Andres?!"

"Ahh alam ko na..." sabay pamewang n'ya, "Break na kayo ni Buendia 'no?"

Wow. Talagang wow. Ilang buwan ba kaming hindi nag-usap nito at bakit ibang chismis yata ang nasagap n'ya?

"Hello?! Okay ka lang ba Andres? Kailan pa naging kami ni Ely? Tigilan mo nga 'yang pinagsasabi mo"

Nagulat ako nang magpakawala ng malakas ng tawa si Andres, dahilan para tumingin sa amin ang mga kalapit na mesa namin

"Hahahahahahahaha! Tangina? Hindi pala kayo nun? Lumayo pa ko sa 'yo-"

"Ha? Anong sabi mo?"

"Ah- ha? Ano? May sinabi ba ako?"

Labo talaga kausap nito ni Andres kahit kailan.

"Ang totoo kasi, lumayo ako sa kanila. Lalo na kay Ely. Kasi ano... gusto ko muna magfocus sa sarili ko." saad ko

"Dami mo namang alam Alegria Clarette. Nagpapaka-introvert ka pa, eh nandito naman ako"

Napataas yung kilay ko nung sinabi ni Andres 'yon. Kaya sabay kaming natawa

"Teka nga, ang tagal na rin bago tayo huling kumain. Gusto mo libre kita mamaya after class?"