Alegria

40

"Kain muna tayo bago magrehearse!" aya sa amin ni Marcus

Kakatapos lang ng class namin. As usual, doon ulit kami sa dorm nila Ely magpapractice.

"Etong si Makoy, parang parati ka na lang gutom" saad ni Buddy

"Wala kang paki dun, Hector!" sigaw ni Marcus kay Buddy

"Tama na away! Nagugutom na rin ako kaya tara na" aya ko ulit sa kanila

Naglakad kami papuntang Mang Larry's. Oo, sa Mang Larry's na naman.

Pagdating namin doon, ako agad ang unang lumapit sa nagtitinda para bumili ng isaw

"Apat pong isaw. Palagay na lang po sa baso" sabay abot ko ng bayad

Umupo muna ako sa gutter at nilabas ang phone ko para mag-social media. Wala rin naman akong ibang bagay na pwedeng gawin kundi 'yon lang

Habang naka-upo ako, may biglang tumabi sa akin. Alam n'yo na siguro kung sino?

"Isaw na naman?" saway sa akin ni Ely habang humihithit ng yosi n'ya

"Eh ikaw? Yosi na naman?" sagot ko sa kanya

"Ano 'yan? Away na naman?" saad ni Jeng na nakatayo sa harap namin

"Teka nga, teka nga! Akala ko kasunod ko lang kayo maglakad kanina. Kaya pala ako na lang mag-isa rito"

"Eh nakakita sila ng fishball doon sa kabilang kanto eh. Kaya ayan" sabay turo ni Jeng kila Rayms at Buddy na lumalantak ng fishball

"Eh si Marcus, asan?" tanong ko

Napatingin kami nang biglang may sumigaw sa gilid, "Andito ako sa isaw oh!"

Etong si Makoy, bigla-bigla na lang sumusulpot kung saan-saan

Natahimik kami pare-pareho rito sa gutter. Akala mo mga tambay lang sa kanto eh

Pagtayo ko at pagkuha ko ng isaw na binili ko, umupo rin ako kaagad, sabay higop ng suka. Inangat ko ang ulo ko, saktong pagbaba ko, napatingin ako sa babaeng bumibili rin ng isaw

"Blythe?"

"Uy Riaaaa!" sabay takbo n'ya sa akin habang may hawak na isaw

Pero napatigil s'ya nang makitang...

"Ikaw si Ely 'di ba?" tanong ni Blythe sa katabi kong si Ely

"Ah oo. Ikaw yung natutulog nun sa sofa 'di ba? Nung lasing-"

Pinutol agad ni Blythe ang sinabi ni Ely, "Ah hahahaha oo ako yun! Uhm... pwede ko bang mahiram saglit si Ria?"

Siraulong Blythe. Hindi naman ako pag-aari ni Ely para hiramin n'ya.

"Oo nam-"

"Tara na! 'Wag mo na pansinin 'yan!" sagot ko kay Blythe, sabay hila sa kanya sa kabilang side ng daan

"Uy kumusta?" tanong ko habang nakagat sa isaw

"Okay lang. Ikaw ba? Pero teka, ayun si Ely 'di ba?"

"Ikaw parang 'di ka nag-aaral dito. Bakit? Nag-iba ba itsura n'ya? Baliw, s'ya pa rin yun"

"Natawa lang ako. Okay naman pala, gwapo. Saka... nagyoyosi nga s'ya"

"Hayaan mo s'ya, baga n'ya naman yun" sagot ko, "Nga pala, anyare sa 'yo nung nag-inuman tayo?"

"'Di ba sinabi ko na sa GC kagabi? Nagtutulog-tulugan lang talaga ako nun!"

"Pero nahihilo ka? Aminin mo! Hahahaha" asar ko sa kanya

"Oo nga, nahilo rin naman ako nun" saad n'ya, "Uy naalala ko, bukas na nga pala yung laban n'yo 'no?"