Alegria

31

"Tangina magte-10pm na" bulong ko sa sarili ko

Ang sakit na ng mata ko. Nakailang kuskos na ko dito pero naluluha pa rin ako

Ang ingay-ingay pa nila sa labas. Mas malakas pa yung tunog ng gitara at drums nila kaysa sa tugtog ko rito

Habang tinatapos ko yung edit, bigla akong nakaramdam ng sakit ng tiyan

"Natatae pa yata ako ah"

Tumayo ako agad sa upuan ko, at lumabas ng kwarto

Paglabas ko, dederetso na sana ako agad sa cr...

"Riaaa! Tapos na yung film?" tanong ni Jeng sa akin

Mukhang mga tipsy na sila ah

At si Ely, tahimik lang.

"Hindi pa, minamadali ko na nga e" sagot ko kay Jeng

Pumasok na 'ko agad sa cr pagkatapos ng usapang 'yon, dahil ang sakit na talaga ng tiyan ko

Paglabas ko ng cr, bigla naman akong nakaramdam ng gutom

Potangina satanas, ano bang ginawa mo sa tiyan ko?

Naghanap ako ng makakain sa ref nila, at mabuti na lang binuksan ko ang freezer... Dahil may nakita akong ice cream!

Agad kong tinanong sa kanila kung kanino yun, "Kanino 'tong ice cream? Akin na lang!"

"Kay Ely yan—"

"Sige sa'yo na lang" putol ni Ely sa sinabi ni Marcus

"Thank youuuu!" sigaw ko sa kaniya

Kumuha ako ng kutsara at akmang dadalhin na sana sa kwarto pero biglang nagsalita si Ely

"Wala bang 'i love you' diyan?" sabay hithit niya sa yosi niya

"Ang 'thank you', kapareho lang ng 'i love you' tandaan mo 'yan ha?" sarkastiko kong pagbibiro sa kaniya

Kaya nagtawanan naman sila Jeng sa sinabi ko.

Bago ako pumasok ng tuluyan sa kwarto, may naalala nanaman ako na dapat kong itanong kay Jeng

"Hoy Jennifer! Anong oras mo ba balak umuwi?"

"Bukas na tayo umuwi! Diyan lang naman dorm natin, tangina 'di ko na rin kaya" reklamo niya

"Tangina mo talaga. Aaya-aya ka mag-inuman tapos ayan, 'di na tayo makauwi ngayon" reklamo ko rin sa kaniya

"Saan naman tayo matutulog dito? Bahala ka, uuwi ako, dun ako mag-isa sa dorm" dagdag ko pa

Nagtinginan naman silang lahat sa akin, kaya napaiwas agad ako

Nagulat ako nang biglang magsalita si Ely, "Kami dito sa labas, kayo ni Jeng dun sa kwarto ko"

"Huh— ah— bahala na"

Pumasok na ko sa kwarto, agad na umupo sa swiveling chair, at nilantakan ang ice cream na hawak ko

Natunaw na yung ibabaw na parte nung ice cream dahil sa pakikipagtalo ko sa kanila

Nagawa ko pang i-ig story yun habang nilalantakan ko kaharap ang laptop

Isa-isa ko nang inaayos yung clips. Nagkaduling-duling na yung mata ko sa kakalipat sa iba

Partida at nakasuot pa yung salamin ko ah.

Lumagpas na ang alas-dyis ng gabi, at hindi na kami tuluyang nakauwi ng dorm