Alegria

44

"Okay, so after ng midterms ay next sem n'yo na. Sa next sem n'yo ay magkakaroon kayo ng elective subject which is acting" saad ng prof namin

"Oh narinig mo? Magagamit mo na yung acting skills mo rito kagabi" asar ni Jeng

Siraulo talaga 'to. Seryosong usapan yung kagabi e.

Tumabi na naman sa akin si Jeng. Wala na akong nagawa para pigilan s'ya dahil nakukulitan na rin ako. Pero doon sa apat, lalo na kay Ely, nakadistansya pa rin ako.

"Pero don't worry class, next year pa naman ito so don't be rushed. Enjoy-in n'yo muna ang christmas break n'yo, then be ready for our next year's subject."

Napasapo na lang ako sa ulo ko nang marinig ang pinagsasabi ng prof ko

"Okay, that's all. Thank you for today." sabay alis ng prof namin

Yumuko ako sa armchair ko, at inangat ulit ang ulo nang maramdamang umurong ito

"Ano? Ready ka na ba next year?" tanong ni Jeng sa akin habang hawak ang upuan ko

"Tigilan mo nga muna ako Jeng" sabay ngisi ko

Habang kaharap ko si Jeng, napahawi ang mata ko kay Ely nang makitang nakatingin s'ya sa amin. Nagkatitigan kami ng ilang segundo pero agad din s'yang umiwas.

"Oh bakit?" sabay sunod ng tingin ni Jeng sa mga mata ko

Umayos ako ng upo at humarap na lang ulit sa board. "Si Ely ba?" tanong n'ya

"Hayaan mo s'ya." sagot ko naman

Nilaro ko na lang ang mga kamay ko. At pagkatapos ng ilang minuto...

"Sa tingin mo ba, galit s'ya sa akin?" tanong ko kay Jeng

"Sino?"

"Si Ely."

Biglang natawa nang malakas si Jeng, kaya napatakip s'ya kaagad sa bibig n'ya

"Bakit hindi mo s'ya tanungin?"

Ako naman ang natawa nang malakas sa sinabi ni Jeng, "Hahahahahaha! Okay tama na ang joke. Mag-aaral na lang ulit ako."

Kinuha ko ang libro ko at nagbasa na lang ulit na para bang walang pakialam sa mundo. Natigil nga lang iyon nang pumasok na ang next prof namin.

Sakto at lunch na ngayon. Half day lang kami nang dahil sa faculty meeting, at kasama ko ngayon sa labas ng room si Jeng

"Mamaya ka na pumunta kay Andres. Kain na muna tayo. Tagal din nating 'di nagsabay oh"

"Okay fine. Saan mo ba gusto?" tanong ko

"To the one and only CASAA" sabay hila n'ya sa akin

Habang naglalakad kami papuntang CASAA, napatanong ako sa kanya

"Hindi ba nagseselos yung syota mo ngayon?"

"Si Rayms? Bakit naman magseselos yun, gaga ka? Hayaan mo na lang muna sila!"

"And by the way, alam ko na kung bakit nakita mong mag-isa sa Sunken yung isa kahapon" dagdag pa n'ya

"Bakit daw?"

"Nagsusulat pala ng kanta."

Napataas ang dalawa kong kilay, "Oh... okay. Kaya pala dramatic place ang napiling tambayan."

"Paanong hindi magiging dramatic place yung pipiliin? Eh kasalanan mo"

"Tisurin kaya kita d'yan, gusto mo?" sabay tulak ko kay Jeng