Alegria

46

"Happy holidays, Ria!" sabay abot n'ya ng regalo n'ya sa akin

"Thank you! Pagbalik na lang natin dito, saka ko ibibigay yung regalo ko sa 'yo"

"No problem! Hahaha" sagot n'ya

Nag-aayos na ako ng gamit ko rito sa sala. Uuwi ulit ako sa amin para mag-celebrate ng christmas at new year. Susunduin daw ako ni Ate Yani mamayang hapon.

"S'ya nga pala, hindi ka nagsasalita kagabi. Ano bang nangyari sa inyo ni Ely doon sa dorm?"

Parang pang-hot seat naman 'tong tanong ni Jeng. Bwisit na 'yan.

"Wala naman ah. Siraulo ka, ano na naman iniisip mo?"

"What i mean to say is, anong nangyari? Nag usap na ba kayo? Nagbati na ba kayo? Eh bigla ka na lang sumugod sa kanya kagabi kaya nagulat kami e"

"Nag-usap kami. Nagpasalamat s'ya sa akin." tipid kong sagot

"Ayun lang?"

"Sinabi n'ya, sana maging masaya raw yung holidays ko."

"Ayun lang ba talaga?"

"Tapos niyakap n'ya ako nang mahigpit."

"Ayun na lang ba tala- ano?! Niyakap?!"

"Ha- Ano? Ah oo?"

Narealize kong nadulas na pala ako sa pinagsasabi ko. Pero totoo yun. Pagkatapos naming mag-usap, niyakap n'ya ako nang mahigpit.

Nakagaan sa pakiramdam ko. Pero hindi pa roon nagtapos 'yon

"Niyakap ka n'ya? For what?" takang tanong ulit ni Jeng

"Ewan ko. Basta sabi ko sa kanya, sana maging masaya s'ya bago matapos 'tong taon na 'to..."

"And?"

"And sana, kung kaya n'ya akong kalimutan, kalimutan na n'ya ako."

"Ano?! Sinabi mo 'yan?! Nababaliw ka na ba?"

"Jeng, hindi ko kayang nakikita s'yang nasasaktan. Pati sarili n'ya napapabayaan na n'ya nang dahil lang sa akin. Ang sakit na."

"Hindi pa rin tama yun! Sasabihin mo na sana maging okay siya bago matapos yung taon, tapos bigla kang magsasabi ng ganun?"

"Hindi ko na talaga alam kung anong sasabihin ko kagabi nung kaharap ko s'ya!"

Napahilamos ng mukha si Jeng gamit ang kamay n'ya, dahil sa mga nakakainis n'yang narinig sa akin.

Nadala ako ng busgo ng damdamin. Lahat na yata ng pwedeng maramdaman, naramdaman ko kagabi e.

"Sana inamin mo na lang na mahal mo s'ya. Hindi yung—"

"Kung ikaw yung nasa sitwasyon ko Jeng, mahihirapan ka rin. Kung sasabihin ko 'yan sa kanya, para ko na ring kinain yung sinabi ko dati na kahit anong mangyari layuan n'ya ako."

"Gustuhin ko man kayong maging maayos pero, kayo rin yung gumagawa ng dahilan para hindi mangyari yun e."

"Hindi na kailangan. Tatapusin ko na lang 'tong feelings ko sa kanya... kasabay nitong year na matatapos."

Natahimik kami pareho nang biglang magring ang phone ko. Nakita kong si Ate na ang tumatawag kaya sinagot ko agad

"Hello Ate? Nasa labas ka na? Sige, on the way na ako."

Binaba ko ang tawag, at kinuha na ang bag ko

"Ikaw na bahala magsara nito. Mauuna na ko." malamig na sabi ko kay Jeng, sabay labas ko ng dorm