Unicode Version
နွန်းကထိုလူကိုမြင်သည်နှင့်ကျင့်ဝတ်အရရိုသေသမှုပြလိုက်သောအခါ ထိုလူကလည်းနွန်းကိုပြန်၍အရိုအသေပေးသည်။
"အရှင်နွန်းကိုဒီနေရာမှာတွေ့ရလိမ့်မယ်လို့ထင်မထားဘူး"
ထိုလူဟာနွန်းကိုမေးခွန်းထုတ်ရင်း နွန်း၏ဘေးတွင်ရပ်နေသောမှိုင်းကိုပြုံးစစနှင့်ကြည့်နေသဖြင့် မှိုင်းခမျာနားမလည်နိုင်ဖြစ်သွားရသည်။
"ကိုယ့်တိုင်းပြည်ရဲ့အခြေအနေကို ကိုယ်တိုင်လေ့လာကြည့်တဲ့သဘောပါ"
အခြေအနေကိုသဘောပေါက်သောနွန်းကလည်း မှိုင်း၏အရှေ့တွင်မသိမသာပိတ်ရပ်ရင်း ထိုလူ၏မြင်ကွင်းကိုကာလိုက်သည်။
"ခေါင်းဆောင်ကောင်းပါပဲဗျာ"
ပြုံးတုံ့တုံ့နှင့်ပြန်ပြောလာသောထိုလူဟာဤစကားကိုစိတ်ရင်းနှင့်ပြောနေသည်ဟု မှိုင်းကယူဆသည်။ ခေါင်းစွပ်နှင့်မို့သူ၏ရုပ်ကိုသေချာမဖမ်းမိသေးသော်ငြား ထိုလူ၏အသံဟာသြဇာအပြည့်လွှမ်းမိုးထားနိုင်ပြီး စကားတစ်ခွန်းတည်းနှင့်လူအများကိုသူ့ဘက်သို့ပါလာအောင်ဆွဲဆောင်နိုင်စွမ်းရှိသည်ဟုလည်း သုံးသပ်မိပြန်သည်။
"ကျွန်တော်ကတော့မရဏအရှင် ဒီနေရာမှာရှိနေရတဲ့အကြောင်းကိုပိုပြီးစိတ်ဝင်စားနေတယ်"
နွန်းကမရဏအရှင်ဟုသုံးနှုန်းလိုက်သောအခါမှသာ မှိုင်းလည်းမျက်လုံးပြူးသွားရသည်။ မှိုင်းထင်ထားသည်နှင့် များစွာကွဲလွဲနေသည်မဟုတ်လား။ မှိုင်းကမိစ္ဆာအရှင်ကိုလွန်စွာရုပ်ဆိုးအကျည်းတန်လိမ့်မည်ဟုထင်ထားသော်လည်း ယခုမြင်ရသလောက်အနေအထားမှာ မိစ္ဆာအရှင်ဟာ သူထင်ထားသည်ထက်ပင်ပို၍ကြည့်ကောင်းပေလိမ့်မည်။
"အခုရက်ပိုင်း မွန်ဗယ်နယ်မြေဘက်ကနေစည်းကျော်လာမိတယ်ဆိုတာသိပေမယ့် ကျုပ်ကမဟုတ်တာလုပ်ဖို့အကြံအစည်မရှိတဲ့အတွက် အရှင်နွန်းစိတ်ချနေလို့ရပါတယ်"
"ဒါဆိုရင် မရဏအရှင်ကဘာများလိုချင်တာရှိလို့.."
နွန်း၏စကားမဆုံးခင်မှာတင် မရဏအရှင်ဟူသောသူဟာ အားပါးတရရယ်မောလိုက်သည်။ မှိုင်းသည်ပင်ကြက်သီးမွေးညင်းထောင်ထသွားသည်အထိလန့်မိသောအရှိန်အဝါကိုပိုင်ဆိုင်ထားသူပင်။
YOU ARE READING
Systemကငါ့ကိုယောကျ်ားပေးစားဖို့ကြံစည်နေတယ် (Completed)
Fantasyနွန်း : "ဘယ်လိုလဲ ရင်ထဲနည်းနည်းထိသွားတယ်မလား" မှိုင်း : "ထိတယ်ဟေ့ တော်တော်ကိုထိတယ် မင်းရဲ့လက်ညစ်ပတ်ကြီးကငါ့ဝတ်ရုံကိုတော်တော်ကိုထိနေတယ် ဝေးဝေးမှာသွားမနေဘူးလား သွားစမ်း!!!! အား!!! System!! ငါ့အမှတ်တွေကမပြည့်နိုင်သေးဘူးလား!!!!!" ႏြန္း : "ဘယ္လိုလဲ ရင္ထဲ...