Unicode Version
သူအတွေးလွန်နေမိသည်မှာ Systemထံမှ Smart Pointများ ငါးဆယ်ကျော်တက်လာသည်ကို ကြားရချိန်မှသာ သတိပြန်ဝင်တော့သည်။ နွန်းသည် သူတုံ့ပြန်လာမည့်စကားကို စိတ်ရှည်လက်ရှည်စောင့်ဆိုင်းနေသော်လည်း သူ၏အမူအရာကတော့ မှိုင်းငြင်းလိုက်မည်ကို စိုးရိမ်နေသလို အနည်းငယ်အလျင်စလိုနိုင်နေလေ၏။
"ဟီရန်..."
"မှိုင်းလို့ခေါ်ပေးပါ"
သတိမထားမိလိုက်ခင်မှာပင် သူ ဤကဲ့သို့တောင်းဆိုလိုက်မိသည်။ သင့်တော်၏၊မသင့်တော်၏ သူနားမလည်တော့သလို ကျိုးကြောင်းသုံးသပ်ဆင်ခြင်နိုင်စွမ်းလည်းမရှိတော့..။ သူ၏စိတ်အာရုံအလုံးစုံကို စိုးရိမ်ပူပန်မှုကြောင့် အနည်းငယ်တွန့်ချိုးထားလေသော နွန်း၏မျက်ခုံးတန်းနှစ်သွယ်က ညှို့ငင်ထားသည့်နှယ်...။
"မှိုင်း... ကိုယ်မေးတာကိုဖြေဦးလေ"
ပါးနှစ်ဖက်လုံးကိုအုပ်ကိုင်ကာ စိုးရိမ်ကြောင့်ကြစွာမေးခွန်းထုတ်လာသူကို စကားအရာဖြင့်မတုံ့ပြန်တော့ဘဲ ပို၍လက်တွေ့ဆန်သည့်တုံ့ပြန်မှုကိုသာ ဆတ်ခနဲပြုလုပ်လိုက်လေသည်။
ပါးပြင်နှစ်ဖက်ကို အုပ်ကိုင်ထားသောလက်တို့အားဖယ်ချကာ လက်ဖဝါးနှစ်ဖက်အကြားဆုပ်ကိုင်ထားလိုက်သည်။ ထို့နောက် သူ၏လုပ်ရပ်ကြောင့် ကြောင်အသွားလေသောနွန်း၏မျက်နှာအနားသို့ တိုးကပ်ကာ ခေါင်းကိုအနည်းငယ်မျှစောင်းငဲ့လိုက်သည်။
"ကျွန်တော့်ရဲ့အဖြေကို သေချာနားထောင်ပါ.."
တိုးဖွဖွစကားသံတို့အဆုံးမှာ ထိကပ်သွားသည့်နှုတ်ခမ်းအစုံ..။ ထူးကဲသည့်နူးညံ့မှုတစ်စုံတစ်ရာကို ကိုယ်စီခံစားသိရှိလိုက်ရသည့်တစ်ဒင်္ဂမှာ နွန်းရောမှိုင်းပါအံ့သြမင်သက်ရသည်။
နူးညံ့အိစက်လေသောအကြင်နာတစ်ပွေ့တစ်ပိုက်သည် ထိုအနမ်းတွင်ပျော်ဝင်နေလေရာ နွန်း၏စိုးရိမ်ကြောင့်ကြမှုမှန်သမျှသည် နေမင်း၏အစက်အပြောက်များကြောင့် လွင့်စင်သွားရသောနှင်းစက်များနှယ်..။ မျှော်လင့်ထားရသောအရာဖြစ်သော်လည်း ထင်မှတ်မထားသောနည်းလမ်းမျိုးနှင့် အမှတ်မထင်လက်ခံလိုက်ရချိန်၌ ထိုအဖြစ်က နွန်းအား အတိုင်းမသိပျော်ရွှင်ခြင်းကို ပေးစွမ်းလေ၏။
YOU ARE READING
Systemကငါ့ကိုယောကျ်ားပေးစားဖို့ကြံစည်နေတယ် (Completed)
Fantasyနွန်း : "ဘယ်လိုလဲ ရင်ထဲနည်းနည်းထိသွားတယ်မလား" မှိုင်း : "ထိတယ်ဟေ့ တော်တော်ကိုထိတယ် မင်းရဲ့လက်ညစ်ပတ်ကြီးကငါ့ဝတ်ရုံကိုတော်တော်ကိုထိနေတယ် ဝေးဝေးမှာသွားမနေဘူးလား သွားစမ်း!!!! အား!!! System!! ငါ့အမှတ်တွေကမပြည့်နိုင်သေးဘူးလား!!!!!" ႏြန္း : "ဘယ္လိုလဲ ရင္ထဲ...