ကျုပ်ကဆရာကြီး
ဘာသာပြန်စာရေးဆရာ - တင်အောင်ခိုင်
အခန်း ၂၁၆
(ဆရာကြီးက ငါ့ကို စီးနင်းချင်တာလား)
ရယ်စရာ ပေါက်ကရလေးဆယ် ဟာသပြောစကားများ၏ နောက်ကွယ်တွင်.......
အန္တာရယ်မှ လွတ်မြောက်တော့မည့် အချိန် ဖြစ်သဖြင့် သူတို့ စိတ်လှုပ်ရှားနေကြသည်။
သူတို့ အားလုံးမှာ သက်ကြီးပိုင်း အင်မော်တယ်များ ဖြစ်ကြသည်။ အဝတ်ဗလာဖြင့် ရှိနေကြသောကြောင့် သူတို့၏ ဂုဏ်သိက္ခာများ ထိခိုက်သွားနိုင်သည်။ ယခု အဖြစ်မှာ ဘဝတစ်လျှောက် ကိုးရိုးကားယားအနိုင်ဆုံးသော အဖြစ်အပျက် ဖြစ်သော်လည်း မည်သည်မျှ မတတ်နိုင်တော့ချေ။
သူတို့ လျင်မြန်စွာ တိမ်စိုင်မန္တာန်အား အသုံးပြုလိုက်ကြပြီး တိမ်စိုင်များဖြင့် ခန္ဓာကိုယ်များအား ဖုံးကွယ်လိုက်ကြကာ အနောက်ဘက်ခန်းမဆောင် ထဲတွင် စိတ်လှုပ်ရှားနေကြသည်။ သူတို့၏ မျက်နှာသွင်ပြင်များအား တည်ငြိမ်နေအောင် ထားရန် မမေ့ကြကာ တိမ်စိုင်များကြားမှ အင်မော်တယ်ဆရာကြီးများ ပုံစံ ဖမ်းလိုက်ကြသည်။
သူတို့၏ ဆံပင်များနှင့် မုတ်ဆိတ်မွှေးများအား ပြန်လည်ရှင်သန်လာစေရန်လည်း မန္တာန်စွမ်းအားများ အသုံးပြုလိုက်ကြသည်။
ချက်ချင်းပင် သူတို့သည် ကတုံးပြောင် အဘိုးကြီးများအဖြစ်မှ တည်ကြည်ခန့်ညားသော အဘိုးကြီးများ အဖြစ်သို့ ပြောင်းလဲ သွားသည်။
ပေနီ တုန်ရှောင်းကျူ ဆီသို့ လျင်မြန်စွာ ပျံသန်းလိုက်ကာ ပြုံးပြလိုက်၏။
ဝါးလုံးလေး...ကျေးဇူးပဲနော်
တုန်ရှောင်းကျူ ချွေးများ ထွက်လျက်ပြန်ပြောသည်။
မီးတွေက အရမ်းစွမ်းအား မြင့်လွန်းတယ်...ကျွန်မ ကြာကြာ တောင့်မခံနိုင်တော့ဘူး
ပန်းချီကားလိပ် မှာ လုံးဝ ပြေကျသွားပြီ ဖြစ်သည်။
ရုတ်တရက် ရွှေရောင်မီးတောက်များ ထွက်ပေါ်လာကာ တဖြည်းဖြည်း မချိမဆံ့ ပူပြင်းလာသည်။
တောင်များနှင့် အနီးအနားရှိ ကုန်းမြေများ စတင် အရည်ပျော်လာကာ ခပ်ဝေးဝေးမှ သစ်ပင်များ ချက်ချင်း ခမ်းခြောက် သွားကြ၏။
YOU ARE READING
ကျုပ်ကဆရာကြီး(1-ongoing)
Adventure(Im Actually a Cultivation Bigshot) Action, Advanture, Fantasy, Comedy မူရင်းစာရေးဆရာ - Kinoshita Nakui ဘာသာပြန်စာရေးဆရာ - တင်အောင်ခိုင် Fb page name=Webnovel myanmar translation လီနင်းဖန် သည် သေမျိုးကမ္ဘာ မှ ကျင့်ကြံခြင်း ကမ္ဘာဆီသို့ ကူးပြောင်းရော...
