ကျုပ်ကဆရာကြီး(1-ongoing)

38

Uni
========
#ကျုပ်ကဆရာကြီး
အခန်း ၃၈
ဘာသာပြန်စာရေးဆရာ - တင်အောင်ခိုင်
(တစ်ကိုယ်တည်း ဖြစ်ရတဲ့ ဘဝ ခါးလိုက်တာကွာ )

အခြားတစ်ဖက်တွင် လင်ချင်းယွန် ၏ စကားသံ က ခြံအပြင်ဘက်မှ ထွက်ပေါ်လာခဲ့သည်။

သခင်လေးလီ အိမ်မှာလား

ဝင်လာခဲ့လေ လီနင်းဖန် ပြောလိုက်သည်။

ခလက်

လင်ချင်းယွန် တံခါး တွန်းဖွင့်လိုက်ကာ အထဲဝင်လိုက်သည်။ ဧကရာဇ် နှင့် လျိုရှီယူ တို့အား တွေ့သည်တွင် သူမ အနည်းငယ် မျက်မှောင်ကြုံသွားခဲ့၏။

သူမ ထိုမျှ ကြိုးစားခဲ့သည်တောင်မှ ပထမဆုံး ရောက်ရှိလာသူ မဟုတ်ခဲ့ပေ။ ထို့နောက် သူ့မျက်လုံး အကြည့်များ မှာ မြေပြင်ထက်ရှိ မှော်ဆေးပင်များထံ ကျရောက်သွားခဲ့သည်။ သူမ တော်တော်လေး အံအားသင့်သွားဟန်ရ၏။

ကြည့်ရသည်မှာ ကွမ်းလောင်အင်မော်တယ်နန်းတော်က ရှိရှိသမျှ အကောင်းဆုံးသော မှော်ဆေးပင်များကို ယူလာခဲ့ဟန် ရသည်။ ကံကောင်းစွာနှင့်ပင် သူမသည်လည်း လင်ယွန်အင်မော်တယ်ခုံရုံးမှ အဖိုးတန်ဆုံး ဆေးပင်များ ထုတ်ပိုးလာနိုင်ခဲ့သည်။
သူမ ၏ ဆေးပင်များသည်လည်း အကောင်းဆုံးများ ဖြစ်သည်။ ၄င်းတို့ အသွင်အပြင် ကတင် ထူးခြားကာ အတွင်းခြံတစ်ခုလုံး စိတ်ဝိညာဉ်ချီ များ နှင့် ပြည့်နှက်သွားရသည်။

ဒါဒါတွေ အားလုံးက အထူးအဆင့်မြင့် ဆေးပင်တွေလား

တ့ကျီ မှာ တုန်လှုပ်သွားသည်။ တော်ဝင်ဧကရာဇ် နှင့် လျိုရှီယူသည်ပင် ပြူးကျယ်သည့် မျက်လုံးများ ဖြင့် လင်ချင်းယွန်၏ ဆေးပင်များအား ကြည့်မိလိုက်ကြသည်။

သူတို့၏ တုံ့ပွနျမှု အား ကြည့်ပြီးနောက် လင်ချင်းယွန် ဝံ့ကြွားစွာ ပြုံးလိုက်ကာ စိတ်ထဲ တွေးလိုက်သည်။
ဟမ့်ကွမ်းလောင်အင်မော်တယ်နန်းတော် က အရေအတွက် အားသာတော့ရော ဘာဖြစ်လဲငါ့ဘက်က အရည်အသွေးပိုင်းမှာ အသာကြီးပဲ

အင်မော်တယ်ကမ္ဘာတွင် ဆေးပင်များအား မူလအဆင့် ၊ အလယ်အလတ် အဆင့် ၊ အဆင့်မြင့်အဆင့် နှင့် အထူးအဆင့်မြင့် အဆင့် ဟု ၍ ခွဲခြားထားသည်။ အထူးအဆင့်မြင့်အဆင့် အထက်တွင် အင်မော်တယ်အဆင့်သာ ကျန်တော့သည်။ အင်မော်တယ်အဆင့် ဆေးပင်များမှာ ဤလောက၏ အထက်ဘုံတွင်သာ ရှိနိုင်သည်။ အင်မော်တယ်များပင် အင်မော်တယ်အဆင့် ဆေးပင်များအား ရတနာ တစ်ခု သဖွယ် တန်ဖိုးထားသည်။ မဟုတ်လျှင်လည်း ၄င်းတို့က ဒဏ္ဍာရီထဲတွင်သာ ရှိနိုင်တော့သည်။