ကျုပ်ကဆရာကြီး
ဘာသာပြန်စာရေးဆရာ - တင်အောင်ခိုင်
အခန်း ၂၁၈
(ဂရုဏာစိတ်မရှိလိုက်တာ...သူတော်တော်စာနာစိတ်မရှိတာပဲ)
တော်ဝင်ဧကရာဇ် လျိုရှီယူအား ကြည့်လိုက်ကာ ခေါင်းညိတ်လိုက်သည်။
ဟုတ်တယ်
ထိုအချိန်တုန်းက ဆိုလျှင် ဆရာကြီးအား သိကျွမ်းသူ သိပ်မရှိသေးချေ။ သူ ဆရာကြီး၏အိမ်သို့ အခါ အားလျော်စွာ သွားလည်နိုင်ခဲ့သည်။ ယခုတွင်မူ ဖိနပ်လျက်ကြသူများ များပြားနေပြီ ဖြစ်ကာ တစ်ဦးချင်းစီမှာလည်း အရည်အချင်းရှိကြသည်။ သူ ဆရာကြီး၏ ဖိနပ်အား နမ်းရှုံ့ရန်ပင် နေရာ မရတော့ချေ။
ဟူး......
ပင်ပန်းလိုက်တာ....
ယခု ဖြစ်ပွားခဲ့သော ကိစ္စရပ်များကြောင့် ကွမ်းလောင်အင်မော်တယ် နန်းတော် အကျိုးအမြတ် များစွာ ရရှိခဲ့ခြင်းမှလွဲ၍ ဆရာကြီးဆီသို့ လာလည်ရန် အခြားအကြောင်းပြချက် ထွေထွေထူးထူး သူတို့၌ မရှိချေ။
ဒီ သေရည်ပုလင်းကို အင်မော်တယ်သေရည်လို့ ခေါ်တယ်...ဒီသေရည်ကို လွန်ခဲ့တဲ့ နှစ်သန်းပေါင်းများစွာ လောက်က သေရည်သမား တစ်ယောက်က တီထွင်ခဲ့တာ....ဒီသေရည်ကို တီထွင်ပြီး မကြာခင်မှာပဲ သူက အင်မော်တယ်အထက်ဘုံကို အဆင့်တက်ပြီး ရောက်သွားတာလေ...အဲ့ဒါကြောင့် အခုလို နာမည် ဖြစ်သွားတာပေါ့....ဒီသေရည်က အင်မော်တယ်ကမ္ဘာမှာ လုံးဝအကောင်းဆုံးသေရည်ပဲ...ဒါကို ရဖို့ အဖေ မနည်းကြိုးစား ခဲ့ရတာ
တော်ဝင်ဧကရာဇ် ဆက်ပြောသည်။
ဆရာကြီးက အဖေတို့ယူလာတဲ့ ပစ္စည်း ကို အထင်ကြီးမှာတော့ မဟုတ်ဘူး...ဒါပေမယ့် လက်ဗလာထက် စာရင် တစ်ခုခု ယူသွားတာ အကောင်းဆုံးပေါ့
လျိုရှီယူ အထင်သေးသည့် ဟန်ဖြင့် ပြန်ပြောလေသည်။
ဆရာကြီးက သမီးတို့ကို တွေ့ဆုံဖို့ ထပ်ပြီး မခေါ်တော့ရင် သူ့အနားမှာ ဆက်မနေရတော့မှာကို သမီးကြောက်တယ်
ကွမ်းလောင်အင်မော်တယ် မင်းဆက် နန်းတော်သည် အသင့်အတင့်အဆင့် ရှိသော ဂိုဏ်းတစ်ဂိုဏ်း ဖြစ်ကာ ဆန်းကြယ်လက်နက်များနှင့် ရတနာများ အနည်းငယ်သာ ပိုင်ဆိုင်ထားသည်။ ထိုအကြောင်းကြောင့် သူတို့ ဆရာကြီးဆီသို့ လာလည်ရန် မထိုက်တန်ချေ။
ESTÁS LEYENDO
ကျုပ်ကဆရာကြီး(1-ongoing)
Aventura(Im Actually a Cultivation Bigshot) Action, Advanture, Fantasy, Comedy မူရင်းစာရေးဆရာ - Kinoshita Nakui ဘာသာပြန်စာရေးဆရာ - တင်အောင်ခိုင် Fb page name=Webnovel myanmar translation လီနင်းဖန် သည် သေမျိုးကမ္ဘာ မှ ကျင့်ကြံခြင်း ကမ္ဘာဆီသို့ ကူးပြောင်းရော...
