ကျုပ်ကဆရာကြီး
ဘာသာပြန်စာရေးဆရာ - တင်အောင်ခိုင်
အခန်း ၂၈၉
(မြေအောက်ကမ္ဘာ၏ တစ္ဆေတံခါး ပြန်လည်ပေါ်ပေါက်လာခြင်း)
တော်ဝင်ဧကရာဇ် အခန်းထဲသို့ ပြန်လည်ရောက်ရှိလာသည်။ သူ တလေးတစား လီနင်းဖန်၏ အနားသို့လျှောက်သွားကာ ဒုက္ခရောက်နေသော လေသံဖြင့် ပြောသည်။
သခင်လေးလီ ကျုပ်ရဲ့သမီးလေး တော်တော် စိတ်ဒဏ်ရာရခဲ့တယ် ထင်တယ်
ဟူး စစ်မြေပြင်မှာ တော်တော်ကြောက်စရာကောင်းတဲ့ တစ်ခုခု ဖြစ်ခဲ့လိမ့်မယ်
လီနင်းဖန် ညှင်ညှင်သာသာ သက်ပြင်းချကာ ကျိရီအား ကြည့်လိုက်သည်။
နတ်မိမယ်ကျိရီတောင် ဒီကိစ္စကို ဘာမှ မလုပ်နိုင်တော့ဘူးလား
ကျိရီ အလောတကြီး ပြန်ပြောသည်။
ခန္ဓာကိုယ်က ထိခိုက်ဒဏ်ရာရသွားတယ် ဆိုရင်တောင် ကုစရာဆေးရှိသေးတယ်...ဒါပေမယ့် မိန်းကလေးရှီယူက စိတ်ဝိဥာဉ်ကို ဆုံးရှုံးလိုက်ရတာ...ကျွန်မလည်း မကူညီနိုင်ဘူး ဖြစ်နေတယ်
လီနင်းဖန် မျက်မှောင်ကြုပ်သွားသည်။
သူ ညည်းညူနေ၏။
အရိုးသားဆုံး ပြောရလျှင် အင်မော်တယ်များပင် မကူညီနိုင်ခြင်းအား သူ အလွန် အံ့အားသင့်နေမိသည်။ သူလည်း ယုံကြည်မှု ပျောက်ဆုံးနေချေပြီ။
'ငါသူ့ကို တကယ်ပဲ ကုနိုင်ပါ့မလား'
လီနင်းဖန် ကိုယ့်ကိုကို သံသယ ဝင်နေသည်။
ကျောင်းရှူ လည်း လီနင်းဖန်အား သေချာစွာ အကဲခတ်နေ၏။ သူမ တုန်ရင်နေသော အသံဖြင့် မေးလာသည်။
သခင်လေးလီ သခင်လေးမှာရော တခြားနည်းလမ်းများ ရှိသလား
ကျုပစိတ်ထဲမှာတော့ နည်းလမ်း တစ်ခုရှိတယ်...ဒါပေမယ့်
လီနင်းဖန် တုန့်ဆိုင်းသွားကာ ပြီးမှ ဆက်ပြောသည်။
ဒါပေမယ့် အဲ့ဒါက သာမန် နည်းလမ်းတစ်ခုပဲ...အဲ့ဒီ့နည်းလမ်း အလုပ်မဖြစ်မှာ ကျုပ် စိုးရိမ်နေတယ်
'နောက်ထပ် သာမန်နည်းလမ်းတစ်ခုလား'
'သာမန်နည်းလမ်းတွေကလည်း ကောင်းတာပဲ'
တော်ဝင်ဧကရာဇ်မှာ အလွန်အမင်း စိတ်လှုပ်ရှားနေမှုကြောင့် မျက်နှာတစ်ပြင်လုံး နီမြန်းနေသည်။
YOU ARE READING
ကျုပ်ကဆရာကြီး(1-ongoing)
Adventure(Im Actually a Cultivation Bigshot) Action, Advanture, Fantasy, Comedy မူရင်းစာရေးဆရာ - Kinoshita Nakui ဘာသာပြန်စာရေးဆရာ - တင်အောင်ခိုင် Fb page name=Webnovel myanmar translation လီနင်းဖန် သည် သေမျိုးကမ္ဘာ မှ ကျင့်ကြံခြင်း ကမ္ဘာဆီသို့ ကူးပြောင်းရော...
