ကျုပ်ကဆရာကြီး
ဘာသာပြန်စာရေးဆရာ - တင်အောင်ခိုင်
အခန်း ၂၅၂
(ပင်လယ်စာ ထမင်းတစ်နပ် )
နန်းတော်အမိုးထဲကို ဟုတ်လား....
သူမက နဂါးမင်းကြီးနောက် လိုက်လာကာ
အဖေ၊ ကျွန်မလည်း လိုက်မယ်...
ပဉ္စမအကိုက သူ့တင်ပါးကို ပွတ်သပ်လျှက် လျင်မြန်စွာ မတ်တပ်ထရပ်သည်။ အဖေ.... ကျွန်တော့်ကိုလည်း ခေါ်...
နဂါးမင်းကြီး၏မျက်နှာသည် အလွန်အလေးအနက် ထားနေဟန်ဖြစ်ကာ နဂါးနန်းတော်၏ ဟိုးအနက်ထဲသို့ လမ်းလျှောက်ဝင်သွားသည်။
လူသွားလမ်းသည် ရွှေရောင်ဖြစ်ကာ တလက်လက်တောက်ပနေသည်။လမ်းတစ်လျှောက် ကို ရွှေအုတ်ခဲများဖြင့် အစီအရီတည်ဆောက်ထားကာ ရှားပါးရတနာများ မြုပ်နှံထား လျှက်ရှိသည်။
ခဏမျှ လမ်းလျှောက်ပြီးသောအခါ ကြီးမားလေးလံသော ရွှေတံခါးကြီးရှေ့သို့ သူတို့ သုံးယောက် ရောက်ရှိလာသည်။
ထိုစဉ် ခပ်အုတ်အုတ် အသံမြည်ကာ တံခါးပွင့်သွား၏။
ဒရာချင်လည်း အထဲပြေးဝင်သွားရန် မစောင့်နိုင်တော့ချေ။
နန်းတော် အမိုးထဲတွင် ပြောင်လက်ကာ တလဲ့လဲ့တောက်ပနေ၏။ ရှေးအစဉ်အဆက် နဂါးများ မှ စုဆောင်းထားသော ရတနာများစွာ ရှိသည်။
နဂါးဆိုသည်မှာ သဘာဝအားဖြင့် ရတနာစုဆောင်းလေ့ရှိသော သတ္တဝါအမျိုးအစားများ ဖြစ်၏။ ထို့ကြောင့် နန်းတော်အမိုး၏ အဆင့်သုံးဆင့်လုံးတွင် ရတနာများအပြည့် ရှိနေ သည်မှာ မထူးဆန်းပါချေ။
ရတနာမြောက်များစွာ အမျိုးအစားစုံလင်စွာ ထိုဆင့်များပေါ်တွင် သောင်းပြောင်းထွေလာ ပြည့်နှက်နေသည်။ အဘယ်ကြောင့်ဆိုသော် နန်းတော်အမိုးအား မည်သူမျှ လာ၍ရှင်းလင်း ခွင့် မရသောကြောင့်ပင် ဖြစ်သည်။
အဖေ၊ ဆရာကြီးကို လက်နက်တွေပေးမှာတော့ မဟုတ်ဘူးမလား... ပြီးတော့ အဲ့ဒါတွေ က အလုပ်ဖြစ်မှာလဲ မဟုတ်ပါဘူး....
ဒရာချင်က ခေါင်းခါယမ်းလျှက်
ဆရာကြီးက အင်မော်တယ်ဘုံမှာ သာမန်လူတစ် ယောက်လို နေနေတာ.... ဒီတော့ သူက လက်နက်တွေ လိုမှာ မဟုတ်ဘူး....
BẠN ĐANG ĐỌC
ကျုပ်ကဆရာကြီး(1-ongoing)
Phiêu lưu(Im Actually a Cultivation Bigshot) Action, Advanture, Fantasy, Comedy မူရင်းစာရေးဆရာ - Kinoshita Nakui ဘာသာပြန်စာရေးဆရာ - တင်အောင်ခိုင် Fb page name=Webnovel myanmar translation လီနင်းဖန် သည် သေမျိုးကမ္ဘာ မှ ကျင့်ကြံခြင်း ကမ္ဘာဆီသို့ ကူးပြောင်းရော...
