سكتت ماحجيت وية عنود مالي خلك احجي حرف مو عاد ابرر ليش ضايجه رفعت راسي من سمعت عمتي أم اسحاق تكول ودنها لغرفتها راح يزفون الشيخ رجفت كل ذرة بجسمي واحس دمي نشف دخلني بالغرفه وطلعن بعدما موتني من توصياتهن حسيت بخطر أكثر والله لو ساكتات احسن دحجت بالغرفه اريد اسوي شي ما اكدر ابقى هيج وين اروح وين اضم روحي تقربت عالكنتور فتحت الباب وسديته من اجت عيني على ملابس فاتك معلك جم دشداشة وبنطرون ،،رغم الجو برد بس احس عركت كصتي سحبت الغطا الابيض من شعري وشمرته بالكاع وعيني اجت عالباب تقربت واني اسحل بالبدلة مديت ايدي وطكيت القفل طكتين وعفته مقفول جريت تنهيدة خوف من الراح يصير ورجعت كعدت عالجرباية وحواسي كلها يم الباب دقايق صعبة مرت علية واني انتظر الراح يصير فكيت عيني من سمعت أصوات وراها صار هدوء وتحركت يدة الباب مرتين ثلاث واندكت دك خفيف بقيت خانسة من سمعته يكلي افتحي الباب ماكو صوت يمكن راح كمت خليت اذني عالباب اتصنط هدوء فزيت من انضربت الباب بقوة واسمعه ينتر .. _ الج دقيقتين ماتفتحين اكسرة وادخل بلعت ريك والخضة بكل جسمي بس لازم اصير قوية واثبت على موقفي شني ماريدك حل عني ،،قافله الباب بوجهك هاي واضحه ماريدك يعني _وينج انطيني صوتج ميته عايشة وين وليتي
رديت عليه .. _ ياريت ميتة وما متزوجتك _ رحمممه وحق الله بس اطيحين بيدي اعرف دواج _ روح لمريتك ولاتخلي روحك مضحكه هسة يتصنطون عليك ويضحكون ركع الباب دفرة يمكن واسمعه يسب بصوت ناصي وراها صار هدوء يمكن راح صدك تنهدت بخوف ورجعت يم الجرباية دحجت للغرفة تعبانين بترتيبها والله ،، نزعت البدلة وفكيت التسريحه ولبست دشداشة وأخذت البدله شمرتها على صفحه وصعدت مددت واني اتخيل فاتك شيسوي هسة اكيد راح يم مرتو احسن فكة اخلص منو تذكرت أبوية وكلبي كرصني عليه هسة وحدة بالبيت سودة علية
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
فاتك ،، من اول ماصعدت أشرت لجماعتنا يرجعون زفوني مادخلو البيت عوايدنا هاي تلكتني امي وخالتي ام اسحاق يهلهلن حبيت على روسهن تلفتت سحاب ماكو صعدت وصعدن وياي وهلاهلهن تركع يول خالة ام اسحاق اذني اريدها قريب عالصالة الي تشرف عالغرف الفوك اشرتلهن ينزلن ماريد وحدة تبقى امي صاحتهن ونزلن كلهن تقربت عالباب فتحته مانفتح رجعت مرة ثانية هذا مبين مقفول دكيته بخفة مافتحته رجعت دفرته واني حسيتها متعمدة تقفله هددتها بدون فايدة عفتها ورحت دخلت غرفتي يم سحاب جانت واكفه اول ما دخلت وسديت الباب تبين سامعتني رادت تحجي سكتتها .. _ ماريد كلمة تنحجي خل اتوضى اصلي وانام
