الفصل الثامن
بقلمي jawhara
**********
حينما ينتهي قدري . . .
يمكن لنفحة ريح أو قشة أن تكسرني
**********
_ عمة هاي الاكل رجعته متقبل تاكل تكول ما أشتهي
حطت عنود الصينية عالكاونتر وسندت ظهرها عليه
_ تاليها وية هالبنت هاي هسة توكع واحير بيها صارلها شهر عالحال هذا
شيخ يعقوب كاعد يشرب جاي ذب الاستكان جدامو وأشر لعنود..
_ جيبي الاكل هينا يابة وروحي صيحيها كلها ابوج يريدج
دقايق واجت بيداء شابكه ايديها على صدرها والاسود مغطيها والبارز فقط بياض وجهها المدور
_ شلونك يابة
_ هلة بنيتي هلة بدوة تعاي اكعدي حدي وأكليلج لكمة
كعدت بصف أبوية وبقيت منزلة راسي رأسا سحبني لصدره وباس راسي بحنية ..
_ ييابة بنيتي صافية جلد وعظم يلة تا شوف
سمي بالله ومدي ايدج
استحيت افشل أبوية خاطروا عزيز عندي رغم نفسي متتقبل الاكل اكلت جم لكمة وانا احس طعمهم رماد
_ يابة كليلي شنهو الي بخاطرج تا اسوي لاتبقين حابسة روحج بالغرفة
_ مابخاطري يابة
ام علي تابعهم بعيونها وساكته من سمعت ابو علي سال بيداء ردت من يمها ..
_ خلها تطلع تنفه شوية ،، لو طالع تعيينها اقلها تلتهي بالدوام
_ عمة خريجين صار سنين ممتعينين بيداء العام الفات تخرجت ماصار سنة
_ اي وشنهو إذا سنه او اقل ابو علي شوفلها واسطه تتعين احجي وية واحد من ربعك بلكن يعينها
_ بكيف بدوة أن رادت تتوظف اشوف احد من الربع بلكن يدبرلها وظيفه
_ لا يابة أنا ماريد خل ابقى بالبيت
_ يشيخ عوفك من سالفتها هالبنت هاي راح تتعقد وماينفع بعد بيها
_ الله كريم الي يجي من الله حي الله وان شاء الله لوكتها تدبر سالفة تعيينها
رن موبايل العنود شافته علي يتصل طلعت راحت للهول فتحت خط
_ هلة گليبي
_ هلة عنودتي شلونج يولي مشتاكلج چثير
_ أنا أكثر والله شوكت تنزل اجازة
_ هالاسبوع على أساس بس تغير النظام عدنا طلعه للحدود
_ يمممة انداريت عليك تخل بالك على روحك
_ شبيج يولي خايفة كلمن ويومو
_ ميخالف فدوة والله ابقى اهوجس
_ تطمني يگليبي ،، اكلج شكو ماكو دوامج شلونه تا درسين
_ ماكو شي والدوام ماعليه هو نفسه محاضرات وامتحانات
علي مادام اتصلت عجل اريد اروح لبيت اهلي ابقى يومين ثلاث
أستاذني من ابوي لاترحين بدون ماتاخذين حجاية منو
_ اي ان شاء الله
_ منهو يوصلج
_ اخابر واحد من اخوتي يجي ياخذني
_ خوش عجل
_ علي اتصل عليك بالليل
_ هههه اي اكيد ،،يلة سلميلي وديري بالج على روحج
_ الله يسلمك بحفظ الله حبيبي
سديته وطلعت صارت بوجهي شهلة
_ عنود اكدر اطلب منج شاحنة موبايل بينما اوصي وحدة
_ اي ادللي هسة اصعد اجيبها من غرفتي
صعدت وهي فاتت للمطبخ
انطيتها الشاحنه ترهم على موبايلها شكرتني وراحت حطتها على نقطه كهرباء موجوده يم الكاونتر
شفت بيداء كاعدة بصف عمي يعقوب والصينية على حطتها شلتها غسلتها من كملت استأذنت من عمي
_ عمي تا روح لبيت اهلي جم يوم
_ اي يابة روحي مابيها شي رجلج عندو علم
_ اي تو جنت احجي وياه ويسلم عليكم
_ يسلمه الله ويحفظه من كل شر
_ امين يارب
_ يمة عنود ماكال شوكت ينزل إجازة
_ بعد اسبوع عمة عدهم طلعه عالحدود
_ الله يحفظهم والله گلبي يبقى يهوجس بي لما ينزل مجاز
صاح عمي على مرتو يريدها اجدد الجاي يو عمي يعقوب شكد يشرب جاي وكهوة
عفتهم وصعدت لغرفتي اتحضر واخابر وليد لو تيمور يجون ياخذوني
