رواية #ذئاب_الحنين
الفصل واحد وخمسون
بقلمي : Jawhara
*******************
** بقاياي في كل بيتٍ تنادي . .
قصاصات عمري على كل باب . .
فأصبحت أحمل قلباً عجوزاً . . .
قليل الأماني، كثير العتاب
** بعد الفراق من نحب . .
كل طرف يقول لست مخطأ . . .
ربما يكون هو من أخطأ . .
وربما تكون هي من أخطأت . .
لذلك، لا مجال للعتاب بعد الفراق.
*******************
رحمه ..
اخذت العلاج الي جابو فاتك وعمتي ساعدتني وبقت عندي بالغرفه إلى أن غفيت
كعدت الصبح احس روحي احسن رفعت جسمي بتعب فاتك مموجود يمكن صاحي من وكت دحكت عالساعه بالعشرة حيل كل هذا الوكت نايمه هذا اثر العلاج الي أخذته البارحه
نزلت من الفراش بالي على وليدي مدري راح للمدرسة لا فتت للحمام كلت اتوضى اصلي الصبح فاتتني صلاه الفجر
كدرت اصلي بصعوبة لان بالحركه جلدي يتقلص ويتفتح ياذيني اثر الضرب رغم ارتاحيت من استعملت زيت الزيتون خل اليوم استعملوا همين
ذبيت شالي على راسي وطلعت من الغرفه نزلت الدرج بخطوات بطيئة
البيت هدوء عجل محمد بالمدرسة اكيد وأخوه رعد همين بس يدرس متوسطه أول مرحلة لأن سالت عليه مهرة وحجتلي
سلمت عليهن وكعدت عالقنفه وعمتي من شافتني سالتني شلون صرت كلتلها الحمدلله شوية احسن
مهرة واكفه عالطباخ تحضر بالغدا التفتت ..
_ شتحبين تتريكين !؟
_ اي شي أنا كايمة احضر ريوكي
_ لا بعدج مريضة ارتاحي
خطية جهزتلي صينية ذبتها عالميز وكمت اتريك وانا اسالها على وليدي
_ محمد منهو وصله للمدرسة !؟
_ فاتك أخذهم هو ورعد دوامهم الصبح نفس الوكت ويتهم صقوري ابن اسحاق
_ گلبي عليه مايعرف أحد بالمدرسة
عمتي كالت ..
_ وليداتنا كلهم بنفس المدرسة جم يوم يتعود
صقر ابن اسحاق السنة تسجل صف اول ونمر ابن ابو علي من حل وليدنا يولي مهرة بيا صف نمر ثاني لو ثالث
_ صف الثاني
_ عجل صار عندو صحبان وليدي
ام فاتك ابتسمت ..
_ والله محمد مبين عليه سبع وملسون يتحجى واكبر من عمرو
_ هههه اي صدك هاي حتى مدير المدرسة جان هيج يكول
مهرة وهي تكعد كبال رحمه عالميز ..
_ البارحه راجعت وياه رياضيات ماشاء الله ذكي
_ صلي على النبي يولي لا تحطين عينج عالصبي
_ يمه كلت ماشاء الله بعدين حمدمد حبيبي شلون احسدو
_ مايحسد المال الا أصحابه والصبي مايحسدونو الا اهلو
_ صلى الله عليك يا رسول الله
رددت مهرة مبتسمه
دك موبايلها دحكت عالمتصل وبلعت ريك
امها مراقبتها عافته يرن وكامت تشوف الجدورة
_ يولي تالي وياج ليش متردين عالرجال ترى العنود تكول قتادة يصير عصبي من تجاهلين اتصالو
_ يمممه وشمدريج هذا قتادة
_ عجل منهو يلح يتصل وانتي مطنشة يلة تا شوف تعاي ردي رجالج هذا وعاكد عليج الشهر الجاي زواجكم
_ انتي كلتيها شهر ونتزوج مايحتاج ارد
_ لا اله الا الله. يولي ليش تعاندين الرجال
