روايه ذئاب الحنين
بقلمي Jawhara
*****************
حجية بدوة دخلت البيت وهية تصيح على رحمه طلع محمد يركض من الغرفه
_ ها جدة
_ عيون جدتك عجل امك وينها !؟
_ تسبح بالحمام
_ من الصبح تسبح هسة وكتها
فاتت دكت الباب ..
_ يول رحمه استعجلي اطلعي جيش مطوق المنطقه مسوين مداهمات
رحمه بفزع ذبت مي على جسمها بسرعه ولبست بدون ماتنشف جسمها طلعت بسرعه من الحمام
_ جفلتيني يخالة شسويلهم قابل احنا شكو عدنا
_ فوتي داخل وتنكبي لا تخلين وجهج كاشف خاف يدشون للبيت
تعال احميد وياي نكعد بالطرمه الحمدالله اسلم مو هينة الف الحمدلله محمد اأخذ ايد جدته وطلع وياها برا كعدت على كرسي وعوجبتها بيدها صافنه عالباب من سمعت صوت بالشارع التفتت على محمد ..
_ جدة احميد لا تحجي من أحد يسالك ابقى ساكت
_ لا جدة ابد ما سولف اسوي روحي صنم
_ وإذا سالوك منهو عايش هينة شنهو جوابك
_ أنا وأمي جدتي بدوة
_ عفية وليدي عفية الذيب والله رباية اسلم ماراحت عبث وياك
اندكت الباب بقوة واشرت لمحمد يروح يفتحه راح يركض فتحه وبقى مفهي فاك حلكه من شاف عساكر الجندي ابتسم بوجهو
_ كل لأهلك تفتيش صيح ابوك
_ ابوي مسافر
وكفت حجية بدوة وراحت تتمشى وصلت والجندي من شافها سلم عليها وهو ياشر لجماعته بالشارع
_ شلونج حجية
_ هلة يمه هلة وليداتنا تفضلو
دخلو بالطرمه وياهم ضابط والرائد طلبو هوياتهم وسألها الضابط على عدد الساكنين بالبيت جاوبته انو هية وهالصبي وامو
_ روح احميد جيب جناسيكم
دخل بسرعه على امو الي جانت متحضرة لابسة حجابها والنقاب
_ يمه رادو جناسي
انطته وهية تسالو
_ يول شنهو سالوك
_ بعدين يمه بعدين
طلع بسرعه وهي عينها وراه تقربت من شباك الهول تا تشوفهم ماكدرت ترفع البردة لأن يشوفونها
أخذ الرائد الجناسي ودقق بيهم ورجع دحك على محمد بقى صافن عليه
رجع الجناسي وأشر للجنود ينسحبون
ساله الضابط
_ ماندخل البيت نفتش !!
_ لا مايحتاج يلة هل ينصرفون
من طلعوا محمد سد الباب وراح رجع الهويات لامه
**********
رنين متواصل خلاه يصحى دحك بالساعه
تسعه ياه طولت بنومتي فتح خط وايدو على حلكو يمنع تثاؤب ..
_ فاتك انت وياي تا تسمعني !!!!؟
_ هلة يخوي كول جنت نايم مامنتبه عالموبايل
_ عجل صحصح واسمعني أخذ نفس تا احجيلك
فرك عيونو ومسح على شعرو..
_ وياك احجي شبيك !؟؟
_ لكيت ام محمد ووليدك
كمز من السرير وهو يصيح ويحلفو
_ عليك القران تحجي صدك
**************
