رواية #ذئاب_الحنين
الفصل الرابع والخمسون
بقلمي: Jawhara
*******************
** لا يهم كم يبقى لي من عمر . .
المهم أن أبقى العمر كله معك . . .
** أريد أن أكون شيء جميل بحياتك . . يرسم على شفتيك الابتسامة . . .
كلما خطرت على بالك . .
** ليتني كل شيء تحبه أنت . .
أما بعد فلن أحب أحداً بعدك . .
أما قبل فأنا أساساً لم أعرف الحب إلّا بك
*******************
بيت ام برع ..
_ خيتي ام برع هذا حجينا وسمعتي وشتطلبون احنا حاضرين وإذا وافقت فتونه تا يجيب اخوتو وبيت عمو ويخطبونها حسب الأصول
_ ام فاتك ولاتهون ام اسحاق جيتجن على راسي وبنيتي ما الكى احسن من ابن اخوي رجال الها
_ ميخالف انتي شوري البنية وينها راحت ضمت روحها هية وام محمد
_ ها عمة أجيت جنت يم فاتن أقنعها تتزوج وليد
_ اي عفية بنيتي عفية ام محمد
سكتت رحمه وابتسمت من دخلت فاتن بصينية فواكه حطتها جدامهن
ام فاتك وهي تسحبها من أيدها تكعدها بسدها..
_ شربنا شربت عليش متعبة روحج اكعدي تا اسولف وياج
ام برع ساكته مادخلت نفسها البنت بنتهم بيت خالها مو غرب وإذا بنتها رايدة وليد ما توكف بنصيبها هي هم داخله عال ٢٦ سنه وكلما يجيها نصيب اطلع بي عيب وما توافق
************
رحمه ..
كاعدة وية محمد اراجعلو دروسو عندو املاء رديتلو الكلمات مرتين حفظهم بعدها سمعتلو سورة قرآنية بالاسلامية
دخل رعد ويبدو كتاب كعد كبالنا عالقنفه بالهول ..
_ خالتي وينو أبوية !!؟
ضميت كتب محمد بجنطتو ،، ورديت عليه ..
_ مدري عنو يمكن طالع بس المغرب يرجع ميتاخر ليش يحبيبي!؟؟؟
_ عندي هاي مسألة بالرياضيات ضوجتني مافهمتها
_ تعال تا شوف
اجى كعد بسدي اخذت الكتاب بديت اقرا المسألة والله متغير چثير على زمنا ماجان هيج اجى على بالي افتح المسألة باليوتيوب اخذت موبايلي من محمد جان يريد يلعب العاب
_ يمممه !!!
_ يروحي شوية وانطيك تلعب
فتحت يوتيوب وكتبت سؤال للرياضيات ورقم الصفحه وعنوان الموضوع. ودخلت أتصفح لكيت السؤال والحل
_ تعال يگليبي تا نتابعو ونفتهمو
ربع ساعه تابعنا الحلول وفهمناها وبعدها عدت حل السؤال بالورقه ورجع رعد يحلو بوحدو رفع راسو وتقرب حظني ..
_ شكرا خالة
_ يروحي تدلل بعد اي شي متعرفو تعال افهمك
_ الله بالخير ،، شلونكم
_ هلة ابو رعد
_ هلة يابة ،، جان عندي سؤال صعب وخالتي رحمه ساعدتني وفهمتو
مسدت رحمه على راسو مبتسمه بدون ما تنطي نظرة لفاتك الي يراقبها
كعد عالكرسي وصاح محمد كمز على أبوه بسرعه وبيدو الموبايل
باسو وحطو بحظنو والتفت على رعد ..
_ هسة كدرت تحلو بعدك !؟؟
_ كملت وصار سهل
_ رعد يا امي اذا عندك بعد تحاضير خلصهم الحين
_ عندي اجتماعيات بس احفظ الاسئلة نمتحن باجر بيها
جيب الكتاب هينة تاشوف
طلع رعد ومسحت على وجهي وعدلت شالي
وعيني وأيدي مشغولة بجنطه محمد الي بسدي
اسمعو يحجي وية محمد ويمزح معو
_ كل لامك ديري بالج على ابوي
_ سمعتك يابة !!
_ لا صايرة متسمع شتكول اتزوج عليها لو خطية
فكيت عيني وانا ارفع راسي واخزروا بس محمد برد گلبي كمز من حظنو وكف بوجه أبوه ..
_ بس امي مريتك والله إموتها التجي هينة
سحبو وضمو لصدرو وهو يضحك على عصبية حمدمد ..
_ يبوي اندار عالولد اليدافع لأمو يول أنا ابوك ليش توكف وية امك
بقى يبوس بمحمد ويلاعبو
اجى رعد وكعد بسدي التهيت اسمعلو بالاسئلة وبعدها امتحنتو
صار المغرب إذن كمت اصلي وصحت محمد تا يتوضى يصلي
_ يلة امشي جدامي تا شوف توضى وصلي
