السلام عليكم ورحمه الله 🌹 فضلا وليس أمرا ادخلوا صوتو لروايتي الجديدة أن شاء الله تنزل قريبا ، اريدها تصعد بالتصويت دوسو النجمه ⭐ ،وشكرا مقدما للجميع 😘
رواية : إمرأتي
مقتطفات الكاتبة Jawhara ********************
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ريمان فتحت باب البيت وبوجها صارت هنوف ابتسمتلها واشرتلها تدخل سلمت هنوف بدون ما تتقرب على ريمان لأن ماخذه على خاطرها منها وكفت بصف الباب وحجت بصوت ناصي .. _ عندي كلام وياج ما حبيت احجي باتصال كلت اجي اشوفج
ريمان وعينها عليها ومتاكدة نوع الكلام شنو _ تعالي ندخل للبيت خوما تبقين بالكراج
_ ما اجيت تا اكعد ، عندي عتب وياج اريدج تسمعينه _ ام عبيدة انتي تمونين بس خل اعرف شنو نوع العتب هنوف وهي تمسح خدها الابيض بأصابع ترجف ما خفت على ريمان ردت .. _ يوم الي تردين تتزوجين الزلم يا مكثرهم ليش الا شيخ اكثم قاطعتها ريمان بحنق وغيض لذكر طاري اكثم الي تحسه كاتم على أنفاسها هالفترة .. _ والله العظيم مالي دخل ولا مفكرة اصلا بالزواج حتى افكر بأكثم صدوك تحجين يمعودة أنتي اكثر وحدة تعرفيني
هنوف بنبرة تعب واضحة .. _ اي اعرفج ولا تنسين منو وكف وياج تذكرين شكثر دافعت عنج شكثر وكفت وياج انتي وعادل الله يرحمو تا يتم زواجكم واتمنى ما تطعنيني بظهري _ لا على بختج مو اني الي اغدر ، تعالي ندخل للبيت ممعقولة جاية من الرمادي لبغداد وتبقين واكفه بالباب _ مشكورة لزوم ارجع الحين محد يعرف بطلعتي واريدها تبقى بيناتنا _ تطمني وما يكون خاطرج الا طيب _ ريمان احلفي ما تقبلين بأكثم رجال تا ارجع مطمنه _ ام عبيدة اذا مو اني يتزوج غيري والله اذا جان ناوي عالزواج _ شيخ اكثم محد يعرفه كثر ما أنا اعرفو ابن عمي والي يسوي بية ثار قديم ، بس كون انتي ترفضينه ولا تقبلين واريدج تحلفيلي
_ مستحيل والله ومثلما كلتلج تطمني
_ عجل ارجع وانا مطمئنه يلا مع السلامه
**************
حيدر .. _ تعال مثنى هاي شنو الخربطه بالجداول ؟!
_ استاذ حيدر ماصار عدنا مجال ندققهن
_ وليش بلة شنو سبب وهذا واجبكم
_ ست ريمان كالت تعوفون كولشي على حاله متريد أحد يتدخل _ روح صيحها بسرعه _ طلعت قبل شوية حيدر بغيض مكتوم اشرله يطلع وصاح عالسكرتير .. _ خل سكرتيرتها تجي هنا بسرعه
دخلت بسرعه جنها تتسمع عالكلام ، رفع حاجبه وخزرها .. _ شسوين هنا ؟!!! _ حضرتك صحتني _ ممم تمام ، وين راحت مديرتج ؟! _ طلعت _ اعرف ، وين طلعت يعني ؟! ردت متقصدة .. _ اجى شيخ اكثم وطلعوا سوى ضيك حاجبه بقهر واضح وشمر القلم ركعه بالحايط وزمخ بيها .. _ اطلعي الله ياخذج مايوم بشرتيني بخبر يفرح انهزمت السكرتيرة من المكتب تعرفه من يعصب ينسى روحه
