الفصل الثاني عشر
بقلمي : Jawhara
*********
أحِبُها وحنيني يزداد لها،
عشِقتَها وقَلبي يتأَلم برؤيةِ دَمعِها،
أفهمها حين أرى الشَوق في عينها،
كم تمنيتُ ضَمَها،
كَم عَشِقت الابتسامة من فمها،
والضحكة في نبرات صوتها،
لا بل الرائحة من عُطرِها،
سألتها كم تشتاقي لي؟
فأجابت: كاشتياقِ الغيوم لمَطرها،
اشتياق الحمامة لعُشِها،
اشتياق الأم لولدها،
اشتياق الليلة لنهارها،
اشتياق الزهرة لرحيقها،
بل اشتياق العين لكُحلها،
اشتياق قصيدة الحب لمتيّمها،
بل اشتياق الغنوة للحنها . . .
***************
فاتك ...
مرت الايام وبرود رحمه أصبح لايطاق صرت اعصب من ادخل الغرفه وتتجاهلني ،، عيونها مليانه عتب وحزن
_ رحمه وتالي وياج وين تردين توصلين شلعتي گلبي والله العظيم
تنهدت ومسحت وجهها ورفعت راسها الية
_ مرة تسمع رجالها يكول عليها نعجة لاتهش ولاتنش أنا مخليها تونسني شتريد يكون موقفي اصفكلك واكول عفية برجلي عفية بسندي
واكف قريب عليها من سمعها احنى جسمه وعيونه طوقت عيونها ،، عيونه مصدومة بسبب هالكلام
_ ورب الكون يرحمه ما يوم تلفظت هيج كلمة وعلى منو عليج انتي ،، ولج انتي بعدج ماتعرفين شكثر اعزج واحبج وانا الي كلتلج هالكلمه هاي واعني كل حرف بيها چثير احبج يرحمه
_ فاتك ماجاي تروح من بالي الحجاية كلما اتذكر اموت قهر
كعدت بسدها ولميتها لحظني رأسا انفجرت بالبجي
_ اششش اهدي يگليبي لاتقهرين روحج
رفعت راسها ومسحت دموعها بيدية
_ شوفي خشمج بسرعه يحمر ،،
حبيتها بخدها ولزيتها لصدري وانا أدفن راسي بركبتها
اااه صار جم يوم بعيدة عني شلعتي گلبي
ردت بصوت مخنوك من البجي ..
_ حتى تحرم اضوجني لأن زعلي ثچيل
_ رحمه احجي الصدك منين جبتي هذا الحجي
حاولت تبعد عن صدري رجعت لزيتها أكثر من حسيتها ضاجت
_ والله العظيم ميساء حجت وجان صوتها عالي يلعلع بيومها محد موجود بس سحاب وشفت شلون نكرت
_ عوفج من سوالف ميساء معليج بيها انتي عندج ثقه بية
_
_ احجي لاتسكتين
رفعت راسها وقربها يخليني كلش اذوب عليها
_ اي اثق بيك
_ عجل كل السمعتي جذب
نزلت على شفتها اخذتها بهداوة والحلو هي اندمجت وياي رفعت راسي تنهدت وعيني بعينها ابتسمتلي وهاي كلش كافي عندي
********
شلهة ...
_ ماريد خلص أنا سالتك سؤال
_ ترى من حقي اعرف شسوين بيهم هذا مبلغ چثير
_ انسى ولا كانو حجيت وفلوس ماريد أنا أعتذر جان ما احجي بس تسرعت
_ شهلة تالي وياج كلتلج شسوين بيهم ماكلت ما انطيج
عضيت شفتي بقوة وانا ندمانه طلبت منو صح ميقصر وياي بس ماريد يفشلني إذا عرف
اوف هسة أنا شورطني ودكيت صدري لبنت عمي كلتلها أنا اساعدج
_ ابو علي انسى ،، خل اروح اطلعلك دشداشة تغير بيها
فتت اريد افتح الكنتور ملابسو مكوية ومعطرة ،، اجى وراية سحبني من زندي قربني أكثر ..
_ انغث من هيج تصرف ،، ترى اعرفج كل الزين ما اطخين راس نفسج عزيزة ومن سالتج ردت اعرف وهذا من ابسط حقوقي عليج
مسدت لحيته وشاربو ،، يموت على هاي الحركه من أسويها أخذ ايدي وباسها
يمه غير گلبي دكاته صعدت الف اول مرة يسويها أنا فهيت باقية صافنه ،، نزل راسو على راسي وأخذ شفتي وبقاها مسجونه بين شفايفو ،، انسحلت روحي وماعت والله
انكطع نفسي يلة هدني
تنفس بقوة ورفع حاجبو ..
_ اعيد لو تحجين
_ هههه لا احجيلك
_ ها عجل ما حبيبتي الصار للتو
_ الا حبيتو ،،، عجل اجذب
مسح خدي بظهر ايدو ..
_ احب صراحتج ووضوحج ،، شو خل اخذ حبة بعد ترى ماينشبع منج
كورت شفايفي وحجيت معترضه ..
_ انطيني عطوة يشيخ أخذ بيها نفس هههه
_ لا بالله الشيخ محكم عقلو وگليبو وناوي على الغنيمة
ضحكت وسحبت جسمي من حظنو مانطاني مجال مسك طرف شعري المفتوح ولفو على جف ايدو لفيت جسمي معترضة ..
_ هاي لزمة شعر مرة الشيخ حكها كعدة عشاير
واحتمال يسيل دم
لمني لحظنه وقفلني بقوة وأخذ خدي باسو وعضو
_ تاشوف يا شيخ يتحداني ويكعدني فصل أنا الحين افصلج وارضيج
دفعني عالفراش و .....
