ذئاب الحنين

الفصل الرابع عشر

#ذئاب_الحنين
الفصل الرابع عشر
بقلمي : Jawhara

**********

((ما أصعب أن تعيش في حيرة . . .

بسبب شخص يوماً تراه حبيباً. .

ويوماً لا تدري من يكون.)) 👌

**********

بيت شيخ يعقوب ...

سألته بيداء عن اسمه
شنو اسمك ؟؟
_ ياسين
_ الله شلون اسم حلو يلة حبيبي كمل اكل
ترك الاكل وظل صافن شوية ورفع رأسه
_ مو كلتي شاعلين نار خل اشوفها

الشيخ يعقوب وابنه قهار دخلو بعدما حجى قهار لابوه عالصار وياهم
_ السلام عليكم
سلم ودخل المطبخ وعينو راحت للولد الصغير بسد بيداء
فتح عينو والتفت على قهار ..
_ ماعرفت هالصبي يقهار !!؟
_ والله يابة شكلو مو غريب علية مدري وين شايفو
_ شنهو ماسالتو عن أهلو
_ مايقبل يحجي
تقرب شيخ يعقوب وكف كبالو ..
_ حي الله ياسين شلونك جدو انت ابن سلطان !؟
ساله تا يتأكد أكثر لأن شافه بيوم جنازة برع الله يرحمو ابوهم جايبهم وياه هو وأخوه الثاني وبقوا وياهم
هز ياسين رأسه وبقى ساكت
بيداء رمشت بسرعه
يابة منين تعرفو تو يلة كالي بأسمو
_ هذا ابن سلطان الياسين اهلو معروفين بالديرة

تذكر قهار ..
_ اي والله وانا اكول وين شايفو ،، عجل ضايع من أهلو
_ خل اتصل على أبوه عند رقمه
ياسين من سمع حجيهم ختل بحظن بيداء خايف من أبوه يعاقبه
مسحت على شعره طمنته وردت على ابوها ..

_ يابة الولد خايف ويرجف خطية

_ لازم أبوه يكون عندو خبر تلكينهم كالبين الدنيا عليه

**********

سلطان اتصل عالدوريات وخبرهم تا يدورون على ابنه

ساعة مضت وماكو اثر لياسين عقلي طار وامي كاعدة بسدي وتهدي بية اقتربت الشوارع وعيني تربي ماله اي اثر جريت حسرة وذبيتها وانا الوم بروحي ماجان اقسي وياه بالحجي ياسين طبعو يختلف عن اخوه
صار الظهر ورجعت اتصلت عالدورية ونفس الشي
طبكت سيارتي على جهة والتفتت على امين اساله
_ اخوك ماحجالك شي
امين منزل رأسه يخاف من عصبية أبوه
نتر بي ..يول احجي
_ صرعت الولد صلي على نبيك
_ عليه الصلاه والسلام ،، من قهري والله وقلة حيلتي يعني أنا وين الكاه إذا ليلت الدنيا وياسين ماكو اتخبل وحق الله الولد ضاع معناها
_ اسم الله الرحمن أن شاء الله نلكاه
رن موبايله فتح خط بسرعه ..
_ هلا عاهد بشر
_ ماخليت مادورت وماكو حتى الناس الي اصادفهم اسالهم واشوفهم صورتو بالموبايل محد شايفه
عضيت شفتي بقوة وانا اهوجس وين راح هذا معقولة انخطف أو احتمال امو دبرت هالشي عجل جان اخذت ايمن وياه
سديته للموبايل وشغلت السيارة راجع لمركز الشرطه
وبنص الطريق اتصلو علية فتحت خط ..
_ حي الله شيخ يعقوب
_ تحيا وادوم شلونك ابو ياسين
_ نحمدلله على كل حال ،، بس حاليا محتار تا ادور ابني طالع من البيت ولحد هسة مارجع
_ والي كلك تعال ابنك بضيافتي
صحت بلهفة وانا گلبي صار ها كيرو..
_ انداريت عليك يشيخ تحجي الصدك
_ افا ومن شوكت شيخ يعكوب ما يحجي الصدك
_ على راسي شيخ ،، أنا بالطريق جايكم
سديته وابتسمت بفرحه
_ شيخ يعقوب آل صايل هذا يكول ياسين عدهم بالبيت
بفرحه جبيرة هتفت ام سلطان
_ اللهم لك الحمد يارب الله ببشرو بالخير على هالخبر هذا