رواية #ذئاب_الحنين
الفصل الثامن والعشرون
بقلمي : Jawhara
*******************
مساؤ ورد حبايبي 🌹 كتبت هالبارت عبالي اتركو لوقت النشر بس حبيت تقرونه لأن شي اكيد متشوقين لمعرفة الأحداث ،، قراءة ممتعه
****************
أنا لا أشكو . . .
ففي الشكوى انحناء . . .
وأنا نبض عروقي كبرياء . .
******************
رحمه ..
مرت ايام والحمدلله صرت احسن والم ظهري شوي ينغزني العوض منك يارب الحمدلله على كل حال ممقسوملي هالطفل هذا
العجل الي آذاني وسبب اجهاضي عمتي ثاني يوم كالتلهم ما ابقي كبالي وين ما تودونه تا اخلص منو وبقت تحجي وتلوم عمي وفاتك الي تهاونو عنه
هاي الفترة ابد ما خلني امد ايدي على حاجه هنة يشتغلن وانا اغلب الوكت مددة لو كاعدة بغرفه مهرة ماصعدت لغرفتي ومن اريد حاجه مهرة تتبرع تسويها حتى وليدي حمدمد بيد عمتي حمدة وخالة كلثوم لو سحاب الي حسيتها تتقرب مني ومبينه مهتمة بس انا ما اكدر أخذ وانطي وياها بالحجي مدري ليش رغم اشوفها مدارية وليدي
المهم من شفت روحي زينه صعدت لغرفتي الي جانت نظيفه والارضية تلمع لأن شالو فراش الشتا من جنت مريضة ،، الجو مغير بعد مايفيد يبقى مفروش يلة زين سوون خففو عني
محمد بقى عد خالتي ام اسحاق كالت تأخذه يم سالي
فتحت الكنتور وحضرت ملابس وفتت للحمام كملت سبح وطلعت لاكتني سحاب مبتسمه
وبيدها الموبايل تحجي مدري ويا منو اكيد هاي اختها ألعوبة دخلت لغرفتها وانا رحت لغرفتي شعلية بيها
كملت ورتبت حالي ولفيت الشال بترتيب ونزلت جوا
بقيت بعد ماصعدت ورى العشا رحت بغرفه مهرة سمعت صوت فاتك دخل علية الغرفه سودة علية من عرفت ضغطه مرتفع انقهرت عليه اول مرة ضغطو يرتفع والسبب هو الي مريت بي تأثر علية وعمتي تكول بقى ياكل بروحو لأن ما ودا العجل يم الحلال وجان السبب باجهاظي
ابتسمت بوجهه من دخل وسد الباب
_ هلة بام حمدمد شلونج اليوم
دنك باسني من خدي وأخذ محمد بحظنو يبوس بي وطلع ايديه من الحظينة وكام يبوس بيهم
_ يولي خطية هيج لافتو حرري شوي شوفي شلون ارتاح يمغط بجسمه اويلي اندار عليك يبوي
رجع يشم بركبتو ويبوس بي
وكفت بسدو وانا اعدل الحظينه على بطنه ..
_ فاتك عليك الله شكثر تحبو
دحك بعيوني ..
_ يولي صدك تساليني ،، وليدي هذا وية النفس اليصعد وينزل محمد
مديت ذراعي حظنت ظهرة و لزيت جسمي وراسي على ذراعو ..
_ يگليبي الله يحفظك الية ولمحمد
_ امين يارب يلة أخذي نومي وانتي همين ارتاحي لا تبقين كاعدة ظهرج ياذيج
_ وين تروح !!؟ اليوم ماشفتك يادوب الظهر شوية
_ راح اطلع شوية بالمضيف وراها اروح اجيب سحاب ورعد من أهلها
سكتت ماحجيت رجع باس خدي وطلع
بقيت نص ساعه اجت مهرة وكعدنا نسولف اخر شي صعدت الغرفه من شفت محمد نام
************
بيت ام اسحاق ..
_يرويحتي شلون حليو
بوسته بخدوده وحطته بحظنها وهي تدفع ايد وردة
_ ما انطي والعباس روحي اقري لاتلتهين
_ لا بلة ترى ابن اخوي خليني ابوسو
_ هاج حبي وروحي يلة ترى عندج جدول لزوم تلتزمين بي
حبته وردة ووكفت وبيدها كتابها ..
_ انتي شلون بيج يعني مراقبتني ومشيتني على نظام اوف شكد قاسية الله يعين اخوي عليج
ضحكت سالي وهي تتخيل شكل اسحاق إذا سمعها هالحجي
_ ههههه والله انتي عوبة زين مني مداريتج واقري واراجع وياج الدروس بعد ماعلية بيج التهي بروحج
وردة كمزت وحظنتها .. لااااا انداريت عليج درس الإنكليزي منهو يراجع وياي
_ ميلي عني ميلي قفلت عليج بعد
ام اسحاق تسمع وهي ساكته ابتسمت من غمزتلها سالي
_ يولي وردة روحي اقري وعوفي البنت راح تمردو لابن فاتك شيخلصنا
ابتعدت وردة وهي تهدد سالي ..
_ يجي اسحاق وخل يضبج تا شوف شلون ما تراجعين وياي
_ هههههههه خلص روحي اداهرج يولي
_ اي فديتج هذا الحجي العدل
