رواية : #ذئاب_الحنين
الفصل الثالث
بقلمي Jawhara
ام علي بقت مصدومة بالسمعته من حماتها
_ انتي منين جبتي هالسالفة هاي
_ والله سمعتها مثلما كتلج وهاي ردت اتاكد منج
_ يعكوب مايرجعها رمى عليها اليمين وبعد متصيرله مرة اوف يفطيم كلبتي علية المواجع بعرس وليدي وانا اريد افرح
_ سودة بوجهي لو ساكتة احسنلي بس كلت يجوز ماتدرين تلاحكي لروحج لا صدك ابو علي يرجعها
_ ماظن انتي مو تدرين سوايتها بي وكحه ورأس يابس وهو ما يتحمل هيج مرة
_ اي ادري بس لا تنسين جان رايدها وماقبل يتنازل عن اخوها الا تصيرله مرة
_ اييه جانت عاجبتو والحك ينكال أنا مرة وانعجبت بشكلها مالومو وهو رجال يحب الزين بس يخيتي عنادها وراسها اليابس يخلي الواحد مايطيقها
_ السبب واضح حبيبة زواج غصب هذا تاليته
شلون تريدينها تعاشر الشيخ ماطولت سنتين عندو وطلكها
_ عجل شرجعه عليها وصار سبع سنين من عافها حظي هذا اوف اوف
_ خل اتاكد من ابو علي انتي سوي نفسج ولا جن عندج علم
،،،،،،
_ يلة انزلن ترى مستعجل وانتن اخرتني
_ اكول قتادة عن الجذب ترى ماعندك سالفة. فلا تكول اخرتني
_ هههه ام احمد فاهمتني ديلة ترجعين وياي لو تنزلين أبيت عمي الشيخ
_ رجعني خوية شيخلصني من امي تكرع راسي
التفت على بيداء كاعدة بصف مهرة وبسدها اختها وردة ،،، تلاكت عيونهم مهرة خزرته وهو ابتسم تك خد
_ بيداء انزلي بسرعه انتي والي بسدج ترى الفهاوة تقرا الف عدجن بس وردة محشومة
_ ههههه يوه قتاده أن شاء الله تتزوج وحدة فاهية ومايعه وكتها أشبع ضحك عليكم
_ اسكتي لا اهفج سطرة اعدل وجهج
نزلت مهرة وحجت وية بيداء متقصدة قتادة يسمعها ..
_ بدوة لا تنسين عيونج شيليهن وكعن عالكشن ،،
عافتهم وراحت ولحكتها وردة الي جانت طول الطريق ساكته تستحي من ابن عمها وبيداء الي ابتسمت على حجايتها
قتادة طكها ضحكه ..
_ ههههههاااااي ملسونة بنت عمي شديد
ردت سلوى مبتسمه .. شقصدها هالبنت
_ مدري عنها اسالي رفيجتها
بيداء نزلت والتفتت عليهم قبل متسد الباب
_ ام احمد فهمي قتادة إذا يريد مهرة خل يتقدملها ولا يبقى يكط بالحجي كلما يشوفها ترى خطية البنت صارت عدها عقدة منه
سدت الباب وفاتت لبيت عمها ابو فاتك
بالطريق ....
قتادة ساكت بعدما سمع بيداء عدل نظارته الشمسية ودماغه مشغول بمهرة الي ياما طيفها زارة ،، ساكت ماينطيهم حجاية البنت بعدها صغيرة يادوب عمرها خمسطعش سنة وهو مايريد يجازف ويتزوجها بهيج عمر الا تخبل شني هالزعطوط هاي خلها تكبر بعد جم سنه والله كريم اذا قسمتي متصير لغيري
ام احمد من شافته ساكت سألته ..
_ اذا تحب احجيلك وية عمتي حمدة هية تضبطلك السالفة
التفت عليها بعدما انتشلته من أفكاره
_ ياسالفه !؟
_ هممم ،، قتادة ترى أنا اختك الجبيرة واعرفك كل الزين
_ والله خيتي تردين الصدك سدي السالفه ماريد ينحجي بيها كلش مو وكتها
_ عجل براحتك
