رواية #ذئاب_الحنين
الفصل الثاني والثلاثون
بقلمي : Jawhara
*******************
** عندما نلمس الجانب الطيب في نفوس الناس نجد أن هناك . .
خيراً كثيراً قد لا تراه العيون أول وهلة . .
**إ ننا بالغريزة نحب ذلك الشخص . . .
الذي يعرف ما يريده . .
ويتصرف كما لو كان يتوقع الحصول عليه فالناس لا تحب المترددين والفاشلين.
*****************
بيداء ..
ورى ما رجعنا من عزيمة صاحب سلطان وانا كلام ام كريم زوجة صاحبو حاتم معلكه بدماغي شكد فشلة والله لو ادري ولا اروح
وسلطان معقولة يدري وما حجى
غيرت ملابسي بكلبية كشمير سادة وشعري رفعته فوك بكفاشة شعر نفس لون الكلبية جويتي
كعدت على طرف الجرباية حاضنة جسمي بايدية وافكر اكل لسلطان لو لا رفعت راسي من دخل يغير ملابسه سألني باهتمام واضح وهو يتقرب وكف جدامي ..
_ شبيج ليش هيج كاعدة !!؟
عضيت شفتي الجوة وحسيت سني نبت بيها ،، أنا جدا أتحسس الأمور وهذا طبع بية ما اكدر اغيروا المقابل مرات يشوف مبالغه مني اتصرف وأشعر بحساسية مفرطه لكن طبعي متعودة عليه
_ سلطان ليش ماكلتلي صاحبك جان ناوي يتقدملي
يمكن ارتكبت خطأ ومدري يمه خزرة عينو تخوف شنهو هالعصبية يربي زمخ بية ..
_ انتي شلون تحجين بهذا الأسلوب وياي
رمشت بعيوني اريد اتذكر يا اسلوب أنا ماحجيت يادوب سالت
وبنفس صوتو الغاضب كمل ..
_ منين جبتي هذا الحجي ؟!!!!
بلعت ريك وانا اوكف كبالو
_ مرة صاحبك هي كالت والا أنا بقيت مصدومة شعرفني بيهم حتى استغربت من حجتها وهي فرحانه شبيها خبلة .سلطان جر نفس قوي وكعد عالجرباية وسحب بيداء من أيدها كعدها بحظنو ..
_ هذا حاتم وسوالفو عادي عندو يحجي لمرتو بسالفه زواج ويريد يتزوج عليها جان ناوي وبمساعدة خواته قنعنو يتزوج وحدة منهن شايفتج بالمدرسة وعلى أساس يخطبج ومن شافج هون وكال ابقى على مريتي احسن شلي بدوخه الرأس
فكيت عيني وحلكي مصدومة !!!
عكدت حاجبي ..
_ شنهو قصدة من شافني هون وبطل اخرع ومدري بروحي ؟!!!
سلطان وحب يضوجها بعدين تندم ماجان يعرف هلثكر بيداء حساسة ..
_ شفتي شلون وانا العبد الفقير ابتليت بيج والا انتي جكمة
نزلت دموعي واستهضمت چثير من سمعتو دفعته بصدرو اريد اكوم ما هدني حظني بقوة وهو يضحك ودفعني عالجرباية ..
_ يمصكوعه اتداهر وياج والله شبيج شنهو هالدموع
مسح دموعي دفعت أيده ..
_ عوفني انت تكسر وترد تجبر وانا هذا الأسلوب ماحبو
صار فوكاية ..
_ كل عقلج بجيتي !! اداهرج والله ولج انتي قمه الانوثه والحلاة. بسرعه صدكتي
( سلطان احتفظ بكلام حاتم من كال شفتها نازكه وحلوة رحمتها هاي ماتكدر تعيش بين نسوانه قصده نسوانهم عدهن وكاحه وشوفه حال )
ماحب يحجي لبيداء مايريدها تعرف راي صاحبه بيها احتفظ بهذا لنفسه
دنج باسها بشفتها ومسح خدها
_ هممم رضيتي لو بعدج
_ بعدني
رجع ينثر بوساته على وجهها ..
_ كولي بوسني وانا اتصرف ههههه
شهكت بيداء من فهمت معنى كلامه عباله قصدها يبوسها تا ترضى
_ لااا ماريد خلص
_ عجل كومي شنو رايج نطلع ساعة انوب نفتر ابغداد
_ موافقه بس خل اروح اتوضى اصلي
_ اي أنا همين ،،، نصلي ونلعب شوية هين ونطلع
_ ابتسمت بيداء بخجل من فهمت عليه طلعت تتوضى
