السلام عليكم ورحمه الله وبركاته 🌹
حبايبي ♥️🌹 اسال الله ان يمن عليكم بالرزق والسعادة وراحة البال ، أن كنتم تسألون عن رواية دهاء ظبية احب أخبركم انو شوكت ما اكمل عدد من البارتات انزلها يعني ليس الان ، لكن حبيت انزل مقطع صغير
حتى لاتنسون الرواية
تحياتي لجميع الاخوات شكرا لتفاعلكم الحلو
🌹🌹🌹🌹
ظبية وهي مصدومة من كلام اخوها ضربت على خدودها بعصبية ..
_ عزا عزاني ولك شلون هيج تسوي شلون صخمت البنية
صفي بعصبية لأن رفعت صوتها تقرب بسرعه وأيده على حلكها سده بقوة وكز سنونه ..
_ اشششش فضحتيني !!!!
دفعته بيدها مشمئزة ..
_ ابعد عني لا تلزمني ولا اطخني ،، يربي مجاي اصدك اخوية هيج يسوي
كعدت عالكرسي بغرفته وجرت نفس قوي وايدها على رأسها تريد حل المصيبة الي سواها صفي بدت تتنفس كوة تحس شي خنكها عينها عليه واكف منتجي على ميز تواليت وأيديه على صدره قافلهم وبصوت ناصي ..
_ لاتسوينها سالفه عقد سيد بيناتنا شبيج انتي
رمشت وهي تحس بشوية راحه بس بعدها صدمتها نفسها الا اليفرق انو مو بالحرام حتى تعرف تتصرف وتوكف وياه إذا صار شي يضر اخوها
سالته تريد تعرف اكثر ..
_ انت تسوي مصايب وتعاي ظبية ساعديني ترى انت مو صغير صفي راح تموتني من ورى سوالفك والله لو يعرف أبوية ينجلط ،، هسة احجيلي منو هالبنت هاي واهلها وين عنها !؟؟؟
_ تعيريني لأن اشاركج بهمي !!
_ مصايبك قصدك اسكت رحمة لامي الي ماتت وخلصت لو عايشة جان ماتت قهر من ورى سوالفك
_ خليني محترمج ترى فرق سنتين بيناتنا ميخليج تشوفين روحج الاخت الجبيرة
فكت عينها ..
_ فوكاها معاجبك استاذ صفي !!!
_ خلص ظبية خل احجيلج ترى حيل تعبانة نفسيتي واريد حل بسرعة البنت تروح تموت
_ امشي وديني اشوفها بلكن أدبر حل على شنو كاعدين هنا. بعدين انت شلون تعوفها وحالتها تعبانه !!!
_ كلت احجيلج واخذج تشوفينها تساعدينها ما اكدر اجيب شخص غريب ماريد سالفة تطلع
_ اي واجيت على ظبية
_ اعرفج تحليها لأن عندي ثقة بيج
وكفت ظبية واشرتله باصبعها انتظرني بالسيارة دقائق اغير ملابسي وانزللك ، واحجيلي سالفتها بالطريق
،،،،،،،،،
بالسيارة صفي مركز بالطريق ويسولف لأخته ..
_ البنت يتمة وعايشة وية امها بعدها طالبة صف رابع اعدادي ١٥ سنة عمرها
شهكت واحس فقدت من كال عمرها كمت اضرب بي على ذراعه واجتافه حسيت انهاريت ..
_ الله ياخذك الله ينتقم منك ولك شلون هاي طفلة طفلة ،، حيوان وربي حيوان و همجي لاتربية فادت بيك ولا ثقافه مصدك حالك خريج قانون بنت يتيمة هيج تسوي بيها تفو عليك
دفعني بيدة لزكني باب السيارة حسيت الم بذراعي لأن طخيت بالباب جريت نفس قوي وعيني عالشارع سكتت وداخلي يفور
هو هم بعد ماحجى بقى ساكت
وصلنا للعمارة نزلنا وبسرعه صرنا بالشقه الي جانت بالطابق الثاني دخلنا وسد الباب وفات كبل لوحدة من الغرف رحت وراه بخطوات ثكيلة خايفة من هيج موقف خايفه اشوف البنت بحال ما يسر وانا ما اعرف بهيج أمور بس شسوي لازم اساعده واساعد البنت
دخلت وعيني اجت عليها نايمه عالجرباية عكدت حاجبي من لمحت اشياء وغراض مرمية عالارضية يعني دليل انو صايرة عركة هيج شي ذبيت جنطتي وتقربت عالبنت كشفت الغطا عنها وبلعت ريك واحس ضربات گلبي تقرا الف خوف على خجل وانا اشوف جسمها مليان اثار علاقة ،،والله حسيت جسمي قشعر شمسوي بيها اثار برقبتها وذراعها الابيض لون احمر على بنفسجي رفعت راسي بغضب لأخوية الي واكف وعيونه عالبنت ورجعت غطيتها ..
_ الله ينتقم منك كول امين ولك شمسوي بيها
رجعت اريد اصحيها اريد افهم شبيها
ماصحت ضربت خدها الترف الي واضحه اثر عضة قريبة على شفايفها ، حجيت وياه ينطيني عطر بسرعه ..
رشيت بيدي ومسحت خشمها لحظات ورمشت بس صوت ونين ضعيف طلع منها
رفعت راسها وانا احاول اخليها تصحى فتحت عينها ونظراتها مشتته عاطت من ركزت على صفي هديتها وانا اطمنها انو هي راح تكون بخير كامت تبجي بصوت ضعيف ، وكفت اريد ملابسها رحت اخذت نفنوفها مرمي عالارضية
ورفعت طرف الغطا اساعدها تلبس بقيت مصدومة بقعة دم واضحه عالجرجف
عطت بي يجي يشيلها للحمام حتى اسبحها وانظفها نزلت عيني مستحية من منظرها بعدما رفع صفي الغطا وشالها رحت وراهم اسمعها كامت تصرخ يربي راح تفضحنا ، سديت باب الحمام بسرعه بعدما طلعته برا ساعدتها تسبح بس شنو صوت بجيها زرف گلبي كملت لفيت جسمها بالمنشفه نشفت جسمها ولبست نفنوفها الي جان واضح عليه اثار تمزق شسوي نزعت سترتي جنت لابسة تي شيرت جواها اقلها تنستر بلبسها شوية وسندتها حتى نطلع من الحمام
أشرت لصفي حتى نأخذها مستشفى لأن النزف مجاي يتوقف
************
غيال وهو محتار وين يدور البنت وعينه على ام ديم الي تبجي وتتوسل بي يدور بنتها الي مختفية من البارحه
نتر بعصبية ..
_ انتي وين عن بنتج ؟!!!!
_ والله بنتي من المدرسة للبيت
دك موبايله بسرعة فتح خط وبقى صافن بعدها سد موبايله والتفت على ام ديم الي سألته ..
_ طمني اخوية هذا اتصال يخص بنتي !؟؟؟
بصوت جامد ..
_ ابقي هنا بالبيت لا تطلعين
عافها وطلع بسرعه لغرفته أخذ مسدسه ورجع اتصل انطى تعليماته وهو ينزل الدرج بسرعه
أعصابه مشتعلة نار بس يريد يوصل ، انطى تعليماته لجماعته عددهم ثلاثه واول ما وصل للمستشفى الأهلي نزل بسرعه من سيارته ودخل يركض اعترض طريقه حراس البناية طلع هويته ورجعها من اشروله يدخل سال عن البنت الي اجت الظهر وانطى مواصفاتها واحد من الموظفين خبره برقم الغرفه الي موجودة بيها البنت
،،،
فتح الباب ودخل وعيونه اطك شرار من شافها نايمه عالسرير والمغذي بذراعها منتبه للبنت أكثر من انتباهة للموجودين بالغرفه ومن دخل بخطوات سريعه لمحهم وضيك حاجبه وخزرهم يحاول يربط سبب وجودهم هنا بالذات وية ديم
صاح باسمها انتبهت فازة على صوته من شافته واكف بسد سريرها بجت وعبرتها تشك صدرها وطلع صوتها مبحوح بسبب الصريخ والبجي ..
_ عمو غيااال
رفعت أيدها تحاول تتمسك بيده دنج بسرعه وحظنها باس راسها يطمنها انو هو موجود لخاطرها
_ عيون عمج اششش يبيتي لا تبجين
بصوت ناصي شاورته وهي كوة تطلع كلماتها المتقطعه خلت جسمه يتقلص مصدوم من الي سمعه رمش بسرعه مستوعب الي صار
ديم حجت وياه انو الرجال هذا اغتصبها ،، ماكدرت تكمل اختنكت بصوت البجي
تركها غيال وبلحظات وصل عد صفي وسحبه من ياخة سترتة وضربه بوكس على وجهه وصرخ بي ..
_ نذذذذل ذبحك على أيدي
دفعه صفي بقوة وأيده على عينه الي حس بيها طفت من قوة الضربة
غيال وشياطينو فوك راسو سحب مسدسو وصوب صفي بطلقه استقرت بجتفو
صراخ ديم وظبية طغى عالمكان ركضت لاخوها وهي تضرب غيال على ظهرو وتصرخ ..
_ الله ينتقم منك موتت اخوية
التفت عليها وعيونو حمرا دم كض وجهها بيدو وبقوة وهو يزمخ بيها ..
_ حسابج بعدين عبالج اسكت واتفرج وانتي تخططين متاكد هاي لعبة منج يا كلبة
صرخت بالم من ضربها جف قوي وكعها بالكاع
عافهم وراح حظن ديم تا يطلعها من المستشفى كلها
