رواية #ذئاب_الحنين
الفصل التاسع والعشرون
بقلمي : Jawhara
*******************
** قد يتحول كل شي ضدك . . .
و يبقى الله معك . . .
فكن مع الله يكن كل شي معك.
** احياناً . . .
يغلق الله سبحانه وتعالى أمامنا باباً . .
لكي يفتح لنا بابا آخر أفضل منه . . .
ولكن معظم الناس . .
يضيع تركيزه ووقته وطاقته . .
في النظر إلى الباب الذي أغلق . . .
بدلا من باب الأمل . .
الذي انفتح أمامه على مصراعيه
*****************
صفوان ..
طلعت الفجر من السماوة بعدما ودعت ساهر ورى سياقه ساعة ونص انتبهت اكو سيارة مباشرة خلف سيارتي ركزت بالمراية بيها ثلاثة عكدت حاجبي اتذكر كلام ساهر اتصلت عليه رد بسرعه ..
_ هلة يخوي
_ هلة ساهر ،، سيارة لاحكتني من طلعت السماوة
_ لاه والعباس هذا الي جنت خايف منه اسمع صفوان امشي سرعة واطبك يم نقطه سيطرة
_ كل عقلك انت لا والله فلا اطبك يم سيطرة
_ صفوان يأذونك يخوي
_ معناها سيارتي تتفتش والاسلحه تتصادر بس اوكف وابلغهم خليني ماخذ خط واحد امشي بسرعه
_ لاتروح اسوي حادث انتبه يرجال
_ الي كاتبة رب العالمين يصير
_ شلون راح تخليني اطلع بسيارتي الحكك
_ وين تلحكني راح اصل الرمادي على سرعتي هاي
_ صفواااان خبل انت شكد سرعتك
_ سريع كلش يلة فيما لله
_ انتبه لروحك بحفظ الله
ورى فترة رجعت اركز بالمراية السيارة اختفت مالها اثر لأن كلش سريع بالسياقة
بس أنا حضرت سلاحي وحطيتو يم رجلية من احس أدنى خطر ارميهم وشبصير خلة يصير ،، بقيت افكر منين طلعولي معقولة مراقبين خطواتي من الرمادي لو مراقبين ساهر لأن معروف بالمنطقة المهم اصل ديرتي بسلامه ،، كمت من اتقرب على سيطرة اخفف من السرعه وانتباهي اركزة تا شوفهم وتاكدت انو بعيدين صاروا لو ضيعو سيارتي من وكفت يم سيطرات اثنين واخيرا تخلصت منهم ..
خابرني عادل اخوية تا يتطمن علية
_ هلة يخوي شلونك
_ هلة عادل شخباركم بالبيت
_ الحمدلله بس امي ضايجه من هاي روحتك وخبصتنا من الصبح كعدت تهوجس بيك
_ اندار عليها گليبها يعلمها امي
_ خير صاير شي
_ لا تطمن وطمنها ساعة وانا يمكم
انوب دك علية عاهد فتحت سبيكر موبايلي جدامي حطيتو
_ صبحك الله بالخير ها بعدك بالسماوة طابتلك الكعدة
_ هلة صباح النور ،، بالطريق وسيارة ملاحكتني جنهم سلابة يخوي
_ افا تحجي صدك !!!!؟؟
_ اي والله بس تطمن ضيعتهم الحين وان شاء الله ساعة واصل الديرة
_ صفوان لاتخوفني عليك اطبك يم اي سيطرة يخوي شنهو ترى مو انا الي أعلمك انت تفهم بهاي السوالف ليش ما خبرت السيطرات
_ لا يخوي ما اكدر شايل سلاح ومخاطرة بيها وكفتي يم السيطرة
_ عجل ما فتشو سيارتك بالسيطرة من تصادفك
_ ولا احد دقق وانتبه شفت شلون !!
_ ايييه تايهة يخوي الله يحفظك من تصل طمني
_ أن شاء الله
