رواية #ذئاب_الحنين
الفصل السادس والخمسون
بقلمي : Jawhara
*******************
** يمكن للإنسان أن يتنازل
عن أشياء كثيرة . .
لكن عند كبريائه وعزة نفسه . .
عليه أن يطغى . . .
ويكون قويًا ومصممًا . . .
على ألّا ينقص شيءٌ منهما طوال حياته.
*******************
صباحووو فل 🌹
حبايبي 🌹 غدا استراحة تعبتني هاي القصه
******************
صفوان طلع من البيت بعدما اجا اتصال من ريكان يخبره بوصول ضيف
التفت على ملك الي اجت وياه حسبما اتفق وياها
_ تأخذين البنت وتصعدين بسرعه ومن تدخل الغرفه اقفلي الباب عليها وخلي المفتاح عندج
_ يا الله يا صفوان تحسسني احنا تا نخطط لجريمة اسم الله
وكف وتقرب عليها ..
_ ابقي هينة لا تجين وياي
_ تمام
تركها وبقت عينها عليه سندت ظهرها للدنكة وهي تلف جسمها بعباة جتف
لحظات ورجع صفوان وياه تمشي بنت اية بالجمال ،،، عكدت حاجبها وهي تهوجس بما لاتهواه
قبل لحظات من طلع صفوان سلم على غيال الي جان واكف وياه ريكان منطيهم ظهره وبيده موبايله اتصل على صفوان
بعدها انسحب يم جماعته ،،
صفوان الي لمحه سريعه عينه راحت عالبنت الي ضاغط غيال على ذراعها وومثبتهة تا لاتتحرك وهالشي ضايقها وحتى تبرد گلبها بي ضربته بطرف حذائها على عظمة ساقه شوغت روحه ،، كضها بقوة من ورى رگبتها وهو يحجي وية صفوان ..
_ ابو قتيبة هاي امانتي عندك يومين بالچثير وراجع عليها
_ غيال البنت وراها بلى ؟!!!
_ كول بلاوي ،، بس احذر منها لا تعطف عليها اذا شفت دمعتين نازلات تراها فنانة بالتمثيل
حجاها وهو يدخل خطوات مبتعدين عن البوابة وصوتو واضحة نبرة عتب وغيض
التفتت ظبية وهي ترفع راسها بعدما حرر غيال رگبتها وخزرته ..
_ لا تفرح كدرت اجيبني هنا الايام بيناتنا
انطاها ظهره دليل على عدم اهتمامه لكلامها وهذا قهرها أكثر
صاحها صفوان تجي وياه وراحت تمشي بخطوات بطيئة من وصلت يم ملك حاولت تتظاهر بالتعب والحزن
_ ام قتيبة سوي الي كلتلج عليه
ملك وهي ممتوقعه تشوفها هالكثر جميلة اخذتها من أيدها ودخلن البيت ومباشرة صعدتها الغرفه من دخلت ظبية قفلت الباب والمفتاح بيدها نزلت جوة تنتظر صفوان الي رجع على غيال
_ تعال هينة بالمضيف تا نحجي
غيال وهو ساند ظهرو عالسيارة وأيديه بجيوب بنطرون بدلته ..
_ راجع لبغداد والفجر اطلع للشمال
_ حدد اليوم الي ترجع تأخذها ماريد تجيني مصايب هاي ابوها كالب الدنيا عليها هسة
_ قبل ساعة اجاني اتصال بعدو بمكتب الوزير
فك عينو عليه ونتر بي ..
_ عجل كالب الدنيا وانتى اعصابك حاطها بنص معمل ثلج
_ علية وعلى اعدائي خل يجرب يطخ شعرة مني وشوف شسوي بيهم ،، يلة حجي ما أوصيك بعد أنا طالع لبغداد
_ بالسلامه أن شاء الله
_ يسلمك الله
بقى واكف إلى أن ابتعد غيال بسيارته السودا الحديثة وبعدها رجع للبيت
بالمطبخ ملك كاعدة تنتظر من لمحته طلعت وهية وجها ميتفسر حس عدها شي ..
_ امشي نطلع لغرفتنا هناك نحجي
