رواية #ذئاب_الحنين
الفصل التاسع عشر
بقلمي : Jawhara
الأغنية 👆 .(اعرفك مو الي وما اتوب من ال مو الي #للمطرب رعد الناصري). تشرح حال سالي وية اسحاق
شفتها راهمه لنفسية سالي هالايام
************
كلآنا : ينتظر محآدثه آلآخر . .
وعلى مآ يبدو لا آحد سيتحدث . . .
تبآ ل كبريآء قآتل ب حضرة شوق لآ يرحم . .
وإن توارت في الحنايا ضعافا . .
ف شوق القلوب لغائبيها يزيد . . .
وإن لم يكن لي نصيب من شوقك . .
فلك من شوقي نصيب . .
بعيدا عن الكبر إشتقت لك . . .
أُريد أخبارك بأني أفكر بك . .
أنتظرك، أشتاقُ إليك
************
اسحاق ..
لفيت جسمي عالجهة الثانية عيني اجت بعينها ايديها تحت خدها وادحك علية واضح من شهكتها لأن لكفتها تناظرني واول مرة تلتفت على جهتي الانام بيها
ضوة خفيف يتسرب من الشباك والبردة يكفي اتمثل ملامحها ونظرتها المصدومة ،، هاي شبيها يمكن استحت مني
أنا بحالة نعاس جنت بس من شهكت بصوت وفزت خلتني اصحصح بقيت عيني عليها دنجت رأسها وبعدت جسمها لنهاية السرير
حركتها هاي حسستني انو تريد تبقى بعيدة عني وانا احترمت هالشي خل البنت بحالها وانا لحالي اصلا مالي نفس بيها من شفتها طلعت منظرها مبهذل وشعرها مكنفش وعرفت جان ذاك النذل يريد يعتدي عليها حسب كلامها هي وانوب ابوية خطبها خلاني مصدوم ،، البنت ما اعرفها ولا اعرف ماضيها وشنو الأسباب الي تخلي ابن عم ابوها يتحرش بيها هاي الأفكار اغلب الوكت تحاصرني. تخليني اعصب ومرات اضطر ارزلها لو حتى جانت ممتعمدة تسوي شي بس انا ما اتحمل واكب بيها
بقيت دقايق ادحك عليها إلى أن سحبت الغطا على رأسها
سالي ...
فشلت من شفته يعاين علية ولا رفع عينه مني انا تخربطت اموري وانحرجت حيل سحبت الغطا على راسي وانطمرت بدون حركة وگليبي يدك سريع يربي مدري شبية
بقيت خانسة مدري شوكت غفيت
الصبح حسيت شفت المخدة الي حاطتها بيناتنا مشمورة يم رجلية ما اتذكر أنا حركتها من مكانها ،، اسحاق نايم على ظهرة وأيده شامرها قريب من مخدتي وأيده الثانية على صدره استندت على ذراعي اريد اسحب المخدة صرت قريبة عليه تنفست بعمق وانا اسحب عطر خفيف منه شكله وهو نايم بهدوء خربط اعداداتي وارتفعت حرارة الدم بعروكي
عضيت شفتي بقوة وسحبت المخدة رجعتها بمكانها بدون وعي مني طخيت صدرة يممااا غير متت من فتح عيونه وعاين علية وحاجبه معكود ،، يشابه خنزرة عمي بيرغ اول مايكعد من النوم تكول كاتلين أبوه. مدري ليش الزلم اول ميصحون من النوم هيج مغلتمين وجوه
رمشت بعيوني وارتباكي زاد ما حسيت الا نازلة من السرير بسرعه وطلعت برا الغرفه كلت اتوضى اصلي ،، قريب من المغاسل حسيت على روحي بدون حجاب ركضت للغرفه فتحت الباب بسرعه ودخلت ادور شالي جان عالكومدي بسد السرير
كعد اسحاق وشمر الغطا وبصوت بي بحة نوم واضحه ..
_ الله يصكعج شبيج من الصبح راكضة متخلين الواحد ينام
